Óskemendegi Sogra shaǵyn aýdanyndaǵy №23 mekteptiń direktory jalǵan aqparat bergeni úshin qyzmetinen bosatyldy, dep habarlady Shyǵys Qazaqstan oblysynyń ákimi Danial Ahmetov.
Turǵyndardyń tyǵyz shoǵyrlanýyna bailanysty bul bilim shańyraǵynda bala sany belgilengen mólsherden asyp ketken. Sondyqtan qosymsha ǵimarat salý týraly sheshim qabyldanǵan edi.
"Mektepti aralaý kezinde maǵan qosalqy nysannyń iske qosylǵandyǵy, ol jerde balalar oqyp jatqandyǵy týraly aqparat jetkizildi. Alaida, keiinirek ata-analar aryzdanyp, jańa korpýstyń qurylysy áli aiaqtalmaǵandyǵyn aitty", - dep jazdy ákim facebook-tegi paraqshasynda.
Óńir basshysynyń tapsyrmasy boiynsha tekseris júrgizilgen. Ókinishke qarai, jańa korpýsta eshkim oqymaityndyǵy anyqtaldy. Al ǵimarat rasymen-aq, áli qoldanysqa berilmegen bolyp shyqqan.
