ٶسكەمەندەگٸ سوگرا شاعىن اۋدانىنداعى №23 مەكتەپتٸڭ ديرەكتورى جالعان اقپارات بەرگەنٸ ٷشٸن قىزمەتٸنەن بوساتىلدى, دەپ حابارلادى شىعىس قازاقستان وبلىسىنىڭ ەكٸمٸ دانيال احمەتوۆ.
تۇرعىنداردىڭ تىعىز شوعىرلانۋىنا بايلانىستى بۇل بٸلٸم شاڭىراعىندا بالا سانى بەلگٸلەنگەن مٶلشەردەن اسىپ كەتكەن. سوندىقتان قوسىمشا عيمارات سالۋ تۋرالى شەشٸم قابىلدانعان ەدٸ.
"مەكتەپتٸ ارالاۋ كەزٸندە ماعان قوسالقى نىساننىڭ ٸسكە قوسىلعاندىعى, ول جەردە بالالار وقىپ جاتقاندىعى تۋرالى اقپارات جەتكٸزٸلدٸ. الايدا, كەيٸنٸرەك اتا-انالار ارىزدانىپ, جاڭا كورپۋستىڭ قۇرىلىسى ەلٸ اياقتالماعاندىعىن ايتتى", - دەپ جازدى ەكٸم facebook-تەگٸ پاراقشاسىندا.
ٶڭٸر باسشىسىنىڭ تاپسىرماسى بويىنشا تەكسەرٸس جٷرگٸزٸلگەن. ٶكٸنٸشكە قاراي, جاڭا كورپۋستا ەشكٸم وقىمايتىندىعى انىقتالدى. ال عيمارات راسىمەن-اق, ەلٸ قولدانىسقا بەرٸلمەگەن بولىپ شىققان.
