Shyǵys Qazaqstan oblysynyń basshysy Danial Ahmetov Glýbokoe aýdany ákimi men onyń orynbasaryna qatań sógis jariialady. Bul týraly ol búgin keńeitilgen apparat májilisinde jariia etti, dep habarlady QazAqparat tilshisi.
Eske sala keteiik, osydan bir kún buryn Glýbokoe aýdanynyń aýyl sharýashylyǵy jármeńkesinde shynaiy baǵa kórsetilmegeni úshin D. Ahmetovke Óskemen turǵyndarynan keshirim suraýǵa týra kelgen. Et ónimderin satýshylar kelisine 1600-1800 dep turǵan baǵalardy ákim jármeńkege kelgen sátte 1300-ge aýystyryp qoidy.
Turǵyndar satýshylardyń osy áreketterine shaǵymdanyp, óńir basshysyna halyqtan keshirim suraýǵa týra keldi. Búgingi keńeitilgen otyrysta basty taqyryp ta osy boldy. Danial Ahmetov orynbasary Dúisenǵali Mýsinge demalys kúnderi ótetin jármeńkege «alypsatarlardy» jibermeýdi, bir aptalyq merzimde satýshylardyń kem ólsheý, baǵa qosý siiaqty áreketterine jol bermeý sharalaryp daiyndap, tapsyrmanyń oryndalýyn qamtamasyz etýdi júktedi.
«Shoý uiymdastyryp, adamdardy aldaýdyń qajeti joq. Bizdiń áleýmettik qoldaý salasyndaǵy memlekettik saiasatty kemsitýge quqyǵymyz joq», - dedi Ahmetov.
