Shyǵys Qazaqstanda Uly Jeńistiń 72 jyldyǵyna arnalǵan merekelik sharalar legi 20 000 myńnan astam adam qatysqan «Qaharman ult» aktsiiasymen bastaldy. Aktsiia barysynda sappen júrip ótken oblys turǵyndary eskertkishke gúl shoǵyn qoiyp, UOS qaza tapqan jaýyngerlerdi eske aldy, dep habarlaidy "Ult aqparat".
Ákesi Kenjetai Ahmetovtyń sýretin alyp, «Qaharman ult» aktsiiasyna qatysqan ShQO ákimi Danial Ahmetov soǵys jáne tyl ardagerlerine izgi tilegin bildirdi.
– Uly Otan soǵysy – ótken tarihymyzdaǵy taǵdyrly da, qasiretti kezeń. Ómir men ólim aiqasqan sol bir jyldary, bizdiń aǵa urpaq, Otan qorǵaý jolynda, kózsiz erlik pen janqiiarlyq eńbektiń úlgisin kórsetti. Biz búgin, Uly Jeńis merekesin, zor qýanyshpen qarsy ala otyryp, urys dalasynan oralmaǵan maidangerler rýhyna taǵzym etip, qaharmandar aldynda bas iemiz. Elbasy Nursultan Ábishuly Nazarbaevtyń basshylyǵymen júrgizilip otyrǵan sarabdal saiasattyń eń basty qaǵidasy - turaqtylyq pen tynyshtyq. Biz, jeńimpaz batyrlardyń urpaǵy ekenimizdi árqashan maqtan tutyp, olardyń erlikteri men esimderin máńgilik este saqtaýǵa tiispiz, – dedi Danial Ahmetov.
Sondai-aq bul kúni qala jastarynyń qatysýymen dástúrli «Jeńis rekordy» aktsiiasy ótpek. Soǵys jyldarynan keiingi beibitshiliktegi 26 280 kúnniń simvoly retinde, aktsiiaǵa qatysýshylar 26 280 ret denesin jerden kóterý (otjimanie) jattyǵýyn jasaidy. Shara arasynda túrli sporttyq oiyndar ótkizilmek.
Al keshke Dańq memorialynda 7 199 shyraq jaǵylady. Bul Uly Otan soǵysynda qaza tapqan óskemendik jaýyngerlerdiń sany.
Artynsha qala halqy merekelik otshashýdy tamashalaiy alady.
Aita ketsek, UOS jyldary maidan dalasyna aimaqtan 180 myń sarbaz jiberilip, onyń 83 myńy soǵys alańynda qaza tapty. 109 shyǵysqazaqstandyq Keńes Odaǵynyń batyny atyna laiyqtalsa, 24 jaýynger «Dańq» ordeniniń kovaleri atanǵan. Sonymen qatar, maidanda atylǵan árbir toǵyzynshy oq Shyǵys Qazaqstannyń qorǵasynyna quiylǵan. Jalpy, oblys aýmaǵynda áskeri tehnikalar qurastyrylǵan.
