Qazaqstandyq jas ánshi Daneliia Tóleshova Qytaidyń «Singer 2019» án dodasynyń finaldyq kezeńinde óner kórsetedi, dep habarlaidy QazAqparat tilshisi.
10 sáýir kúni «Singer» jobasynyń Weibo áleýmettik jelisindegi paraqshasynda osy jylǵy dodanyń finalyna joldama alǵan ánshiler jáne olarmen birge óner kórsetetin arnaiy qonaqtar tizimi jariialandy.
Joba jetekshileri baiqaýdyń aqtyq básekesinde reseilik ánshi Polina Gagarinamen birge óner kórsetý úshin qazaqstandyq ánshi Daneliia Tóleshovany, Qytaidyń uiǵyr ultynan shyqqan rep ánshisi AIR jáne taivandyq ánshi Darren-dy shaqyrypty.
Aita keteiik, qazaqstandyq ánshi Dimash Qudaibergen «Singer» jobasynyń 2017 jylǵy dodasyna qatysyp, ekinshi oryn alǵan bolatyn.
«Singer 2019» án baiqaýynyń aqtyq básekesi 12 sáýir kúni tikelei efirde kórsetiledi.
