16 jastaǵy qazaqstandyq ánshi Daneliia Tóleshova America's Got Talent shoýynda taǵy da óner kórsetti, dep habarlaidy "Ult aqparat".
Qazaqstandyq jas ánshi tanymal shoýdyń birinshi kezeńinde gollandiialyq ánshi Dýnkan Loýrenstyń "Arcade" ánin oryndady. Sóitip, ádettegidei ádilqazylar men kórermenderdiń ystyq yqylasyna bólendi. Olar ornynan turyp, qol shapalaqtady. Qazylar alqasynyń quramynda bolǵan aktrisa ári telejúrgizýshi Haidi Klým daryndy jastyń ónerin joǵary baǵalady.
Sahnaǵa shyqqan Daneliia qazylar men kórermenderge ózi týraly aityp, talanty men qabiletin kórsetý úshin tanymal shoýǵa qaita kelgenin málimdedi.
Eske salaiyq, Daneliia Tóleshova America's Got Talent óner dodasyna 2020 jyly qatysyp, aqtyq synyna joldama alǵan bolatyn.
