دانەلييا تٶلەشوۆا اقش جۇرتشىلىعىن تاعى دا تەنتٸ ەتتٸ - ۆيدەو

16 جاستاعى قازاقستاندىق ەنشٸ دانەلييا تٶلەشوۆا America's Got Talent شوۋىندا تاعى دا ٶنەر كٶرسەتتٸ, دەپ حابارلايدى "ۇلت اقپارات".

قازاقستاندىق جاس ەنشٸ تانىمال شوۋدىڭ بٸرٸنشٸ كەزەڭٸندە گوللاندييالىق ەنشٸ دۋنكان لوۋرەنستىڭ "Arcade" ەنٸن ورىندادى. سٶيتٸپ, ەدەتتەگٸدەي ەدٸلقازىلار مەن كٶرەرمەندەردٸڭ ىستىق ىقىلاسىنا بٶلەندٸ. ولار ورنىنان تۇرىپ, قول شاپالاقتادى. قازىلار القاسىنىڭ قۇرامىندا بولعان اكتريسا ەرٸ تەلەجٷرگٸزۋشٸ حايدي كلۋم دارىندى جاستىڭ ٶنەرٸن جوعارى باعالادى.

ساحناعا شىققان دانەلييا قازىلار مەن كٶرەرمەندەرگە ٶزٸ تۋرالى ايتىپ, تالانتى مەن قابٸلەتٸن كٶرسەتۋ ٷشٸن تانىمال شوۋعا قايتا كەلگەنٸن مەلٸمدەدٸ.

ەسكە سالايىق, دانەلييا تٶلەشوۆا America's Got Talent ٶنەر دوداسىنا 2020 جىلى قاتىسىپ, اقتىق سىنىنا جولداما العان بولاتىن.