Naýryz aiynda jariialanǵan tótenshe jaǵdai men alǵashqy karantin indetke qarsy sharalardy shuǵyl qolǵa alyp, shet eldik tájiribelerdi eskerip, kózsiz jaýdy saqadai sai otyryp qarsy alýǵa kerekti altyn ýaqyt edi. Ókinishke qarai, búgingi jaǵdai otandyq densaýlyq saqtaý júiesi berilgen ýaqytty tiimdi paidalana almaǵanyn kórsetip otyr. Prezident indettiń alǵashqy kúninen bastap eń aýyr stsenariige daiyn otyrýymyz kerektigin eskertken edi», - deidi senator Dana Nurjigitova.
Senat depýtatynyń pikirinshe, birinshi karantinnen keiin halyq qaýiptiń seiilmegenin eskermeitini, aýrýhanadaǵy oryndardyń jetispeýi, alyp-satarlardyń kóbeiýi, halyqtyń psihologiialyq aýyr jaǵdaiǵa túsýi, dári-dármektiń jetispei qalýy, jańa virýstyń emdeý hattamasy resmi túrde ózgerip turǵany emdik sharalardyń birizdilikke birden túspeýi, halyq ózdiginen em izdei bastaýy densaýlyq júiesindegi úilestirý jumysynyń mamandarynyń aldyn ala zertteletin jumystary edi.
«Josparlaý, uiymdastyrý, baqylaý men yntalandyrý-menedjerdiń myzǵymaityn tórt qaǵidaty. Osynyń barlyǵyna búgin Prezident tiisti baǵasyn berip, bul jaǵdaidan sabaq alamyz, dedi.
Qaharyna mingen indetpen kúreste dál qazir keregi - úreige berilmeý! Kúresti toqtatpaý! Shildeniń basynda sany 400 ǵana bolǵan ámbebap mobildi ámbebap toptardyń sany ai sońynda 3,5 myńǵa deiin jetkiziledi. PTR test tapsyrý ortalyqtary táýligine 40 myńǵa deiin saraptama jasaityn bolady. Dárihanalarǵa paratsetamol, antibiotikter syndy qajetti medikamentter jetkiziledi. Dárigerler aqparattyq jumysty kúsheitetin bolady. Indetpen kúreske bólinip jatqan qarajat úzdiksiz, jiti baqylaýǵa alynady. Halyq qinalyp jatqanda esebin túgendep jantalasqan arsyzdardyń joly kesiledi!
Qasym-Jomart Kemeluly Sabyr Adaidyń «Ár qazaq meniń jalǵyzym» degen bir aýyz sózimen buginde qara jamylǵan ár qazaqtyń shańyraǵyna kóńil aitty. 13 shildeni Aza tutý kúni dep jariialady.
Indetpen kúresip jatqan árbir janǵa kúsh-qýat bergei, Jaratqan! Qara jamylǵan jurtqa qaiǵyryp kóńil aitamyn! Bekem bolyńyzdar! Barlyq saqtyq sharalaryn oryndap, abai bolaiyq!», deidi Dana Nurjigitova.
