ناۋرىز ايىندا جارييالانعان تٶتەنشە جاعداي مەن العاشقى كارانتين ٸندەتكە قارسى شارالاردى شۇعىل قولعا الىپ, شەت ەلدٸك تەجٸريبەلەردٸ ەسكەرٸپ, كٶزسٸز جاۋدى ساقاداي ساي وتىرىپ قارسى الۋعا كەرەكتٸ التىن ۋاقىت ەدٸ. ٶكٸنٸشكە قاراي, بٷگٸنگٸ جاعداي وتاندىق دەنساۋلىق ساقتاۋ جٷيەسٸ بەرٸلگەن ۋاقىتتى تيٸمدٸ پايدالانا الماعانىن كٶرسەتٸپ وتىر. پرەزيدەنت ٸندەتتٸڭ العاشقى كٷنٸنەن باستاپ ەڭ اۋىر ستسەنارييگە دايىن وتىرۋىمىز كەرەكتٸگٸن ەسكەرتكەن ەدٸ», - دەيدٸ سەناتور دانا نۇرجٸگٸتوۆا.
سەنات دەپۋتاتىنىڭ پٸكٸرٸنشە, بٸرٸنشٸ كارانتيننەن كەيٸن حالىق قاۋٸپتٸڭ سەيٸلمەگەنٸن ەسكەرمەيتٸنٸ, اۋرۋحاناداعى ورىنداردىڭ جەتٸسپەۋٸ, الىپ-ساتارلاردىڭ كٶبەيۋٸ, حالىقتىڭ پسيحولوگييالىق اۋىر جاعدايعا تٷسۋٸ, دەرٸ-دەرمەكتٸڭ جەتٸسپەي قالۋى, جاڭا ۆيرۋستىڭ ەمدەۋ حاتتاماسى رەسمي تٷردە ٶزگەرٸپ تۇرعانى ەمدٸك شارالاردىڭ بٸرٸزدٸلٸككە بٸردەن تٷسپەۋٸ, حالىق ٶزدٸگٸنەن ەم ٸزدەي باستاۋى دەنساۋلىق جٷيەسٸندەگٸ ٷيلەستٸرۋ جۇمىسىنىڭ ماماندارىنىڭ الدىن الا زەرتتەلەتٸن جۇمىستارى ەدٸ.
«جوسپارلاۋ, ۇيىمداستىرۋ, باقىلاۋ مەن ىنتالاندىرۋ-مەنەدجەردٸڭ مىزعىمايتىن تٶرت قاعيداتى. وسىنىڭ بارلىعىنا بٷگٸن پرەزيدەنت تيٸستٸ باعاسىن بەرٸپ, بۇل جاعدايدان ساباق الامىز, دەدٸ.
قاھارىنا مٸنگەن ٸندەتپەن كٷرەستە دەل قازٸر كەرەگٸ - ٷرەيگە بەرٸلمەۋ! كٷرەستٸ توقتاتپاۋ! شٸلدەنٸڭ باسىندا سانى 400 عانا بولعان ەمبەباپ موبيلدٸ ەمبەباپ توپتاردىڭ سانى اي سوڭىندا 3,5 مىڭعا دەيٸن جەتكٸزٸلەدٸ. پتر تەست تاپسىرۋ ورتالىقتارى تەۋلٸگٸنە 40 مىڭعا دەيٸن ساراپتاما جاسايتىن بولادى. دەرٸحانالارعا پاراتسەتامول, انتيبيوتيكتەر سىندى قاجەتتٸ مەديكامەنتتەر جەتكٸزٸلەدٸ. دەرٸگەرلەر اقپاراتتىق جۇمىستى كٷشەيتەتٸن بولادى. ٸندەتپەن كٷرەسكە بٶلٸنٸپ جاتقان قاراجات ٷزدٸكسٸز, جٸتٸ باقىلاۋعا الىنادى. حالىق قينالىپ جاتقاندا ەسەبٸن تٷگەندەپ جانتالاسقان ارسىزداردىڭ جولى كەسٸلەدٸ!
قاسىم-جومارت كەمەلۇلى سابىر ادايدىڭ «ەر قازاق مەنٸڭ جالعىزىم» دەگەن بٸر اۋىز سٶزٸمەن بۇگٸندە قارا جامىلعان ەر قازاقتىڭ شاڭىراعىنا كٶڭٸل ايتتى. 13 شٸلدەنٸ ازا تۇتۋ كٷنٸ دەپ جارييالادى.
ٸندەتپەن كٷرەسٸپ جاتقان ەربٸر جانعا كٷش-قۋات بەرگەي, جاراتقان! قارا جامىلعان جۇرتقا قايعىرىپ كٶڭٸل ايتامىن! بەكەم بولىڭىزدار! بارلىق ساقتىق شارالارىن ورىنداپ, اباي بولايىق!», دەيدٸ دانا نۇرجٸگٸتوۆا.
