QR Parlamenti Senatynyń depýtaty Dana Nurjigit QR Prezidenti Qasym-Jomart Toqaevtyń «Egemen Qazaqstan» gazetinde jariialanǵan «Táýelsizdik bárinen qymbat» atty maqalasyna qatysty pikir bildirdi, dep habarlaidy "Ult aqparat".
«2000 jyldary delimtiatsiia jumysy óte qarqyndy júrgizilgeni belgili. Prezidenttiń maqalasynan túsingenimizdei, osy máseleni sol jyldary qolǵa alǵan Nursultan Ábishulyna «osyny asyqpai jasaýǵa da bolar edi» degen syńaidaǵy pikirler de aitylǵan kórinedi. Al búgin, Elbasynyń sol kemeńgerligi bolmasa, shekara máselesi barlyq maǵynada ashyq bolyp jatsa, jaǵdai qalai bolar edi?! Ony oilaýdyń ózi qorqynyshty! Keńes Odaǵynan bólinip shyqqan 15 sotsialistik respýblikanyń ishinde osy máselege 90-shy jyldary zor mán bergen jalǵyz Qazaqstan ǵana! Osyndaida Ahmet Baitursynulynyń «El – búginshil, bizdiki – erteń úshin» degen sózi oiǵa oralady», - dep jazdy senator Instagram -daǵy paraqshasynda.
Onyń aitýynsha, erteńin oilaǵan Prezident Qasym-Jomart Toqaev naqty iske,nátijege den qoiatyn baisaldy basshy ekenin tanytty. Sondai-aq ol óz maqalasynda ultymyzdyń damý jolynda eń aldymen ádildik qaǵidatyn ustanatynyn basa aityp otyr.
«Búgingi qiyndyqtar ótedi, pandemiiaǵa adamzat bolyp tótep berip jatyrmyz. Ómir munymen toqtamaidy. Sondyqtan búgingimen alysyp júrip,erteńimizdi joǵaltyp almaýdy oilaiyq! Al, erteńgi urpaǵymyzǵa qaldyratyn eń basty muramyz, eń qymbat qundylyǵymyz - Táýelsiz Qazaqstan», - dedi depýtat
«Egemen Qazaqstan» gazetine shyqqan Prezidentimiz Q.K.Toqaevtyń maqalasyn oqyp shyǵyńyzdar dep keńes beremin, qymbatty oqyrmandarym! Osy eldiń azamaty retinde bárimizdi mazalaityn máselelerge Prezident jan-jaqty, tereń ári keń aýqymdy saraptama jasap jazypty», - dep jazdy Dana Nurjigit.
.jpeg)