«Prezidenttiń «Bolashaqqa baǵdar: rýhani jańǵyrý» maqalasy biliktiń jańa ideologiialyq platforma qalyptastyrýǵa bet alýynyń nyshany. Bul platformanyń negizinde jańa zaman aǵymyna sáikes ózgerýge daiyn bolý ideiasynyń jatýy óte quptarlyq nárse.
Bizde kóp ýaqyt boiy damyǵan elderdiń qataryna kirý tek ekonomikalyq damý men jańa tehnologiialar arqyly júzege asady degen sholaq túsinik boldy. Iaǵni, biz bai bolsaq jáne smartfondy paidalansaq aldyńǵy qatarly elge ainalamyz degen siiaqty. Alaida, damýdyń eń birinshi alǵysharty – bul mádeniet pen qundylyqtardyń ózgerýi. Jańasha oilaý bolmasa, damý da bolmaityndyǵy bizdiń jáne ainalamyzdaǵy kórshilerimizdiń tájiribesi kórsetip otyr.
Qazaq qoǵamynda sońǵy 10-15 jyldar ishinde kúrdeli ózgerister oryn aldy. Ál-aýqattyń artýy jáne qala halqynyń kóbeiýi jańasha oilaityn áleýmettik toptyń paida bolýyna alyp keldi. Dál osy top úshin prezidenttiń maqalasynda aitylǵan pragmatizm, básekege qabilet, ashyqtyq sekildi qundylyqtar mańyzdy bolyp tabylady. Bular kóbinese jaqsy bilim alǵan, birneshe til biletin, óz dástúri men qatar zamanaýi ómir saltyn ustanatyn jańa qazaqtar býyny. Jáne bir erekshelik – bular eldegi qoǵamdyq-saiasi ómirge yqpal etýge múddeli belsendi top. Biliktiń jańa ideologiiany damytýy arqyly dál osy topqa súienýine múmkindigi bar.
Qazirgi jahandyq ózgerister kezeńinde ár memleket ózindik ustanymyn qalyptastyrý ústinde. Bul ózgeristerge úrke qarap, izoliatsiia arqyly ózimizdiń biregeiligimizdi saqtap qalamyz degen sekildi ideialar - bul búkil eldi artqa súireitin óte qaýipti mif. Qazaqstandaǵy joǵarǵy bilik, maqalaǵa súiensek, progress pen ashyqtyq jolyn tańdap otyr. Biraq, endigi másele - maqalada aitylqan ideialardyń saiasi shynaiylyqqa ainalýy.
Serik Beisembaev, ÁESI sarapshysy, 13.04.2017
Ult portaly
