Sýret: islam.az
Zańdy ázirleýden bólek, ony júzege asyrý jáne oryndalýyn baqylaý da asa mańyzdy mindet. Senat spikeri Máýlen Áshimbaev energetikalyq sýsyndarǵa tyiym salý jónindegi zańnamalyq sharalardyń tiimsiz bolyp qalýy múmkin ekenine nazar aýdardy.
"Iá, biz tyiym salýdy maquldaimyz. Biraq, áriptester, biz osyndai tyiymdardy kalian men veipterge de qatysty engizgen edik. Sol máseleler boiynsha qanshama talqylaýlar boldy. Alaida, qazir kóptegen oryndarda, dámhanalar men meiramhanalarda kelýshiler kalian tutynatyny jasyryn emes. Veipterge de tyiym saldyq. Degenmen, olar da satylyp jatyr. Osy rette Úkimet zańdardyń oryndalýyn qanshalyqty baqylaidy degen úlken suraq týyndaidy. Memleket basshysy bergen tapsyrmalardy atústi emes, tolyq oryndaýymyz kerek. Eger biz, shyn máninde,ulttyń densaýlyǵy men salamatty ómir saltyn saqtaýdy oilasaq, zańdar qabyldap qana qoimai, olardyń tolyq iske asyrylýyn da qamtamasyz eteiik. Zań oryndalmasa, quqyqtyq memlekettiń búkil qurylymy zardap shegip, jumysyn toqtatady. Energetikalyq sýsyndarǵa tyiym salý týraly norma durys ekeni túsinikti. Ony dárigerler de aityp júr. Endi sol normalardyń júzege asyrylýyn baqylaý qajet", – dedi Senat tóraǵasy.
Máýlen Áshimbaevtyń aitýynsha, quqyq buzǵandardy anyqtaý úshin alysqa barýdyń jáne erekshe kúsh salýdyń qajeti joq. Barlyq «dálel» ashyq jariialanatyn áleýmettik jelilerdi baqylasa da jetkilikti.
"Máselen, kaliandar boiynsha aitaiyq. Búgin Palata otyrysynda Úkimettiń de ókili otyr. Osy máseleni jergilikti atqarýshy organdarmen birge teksergen jón. Ishki ister ministrliginiń de basshylyǵy osynda. Keshki Astanaǵa shyǵyp qarańyz. Tipti eshqaida shyǵýdyń da qajeti joq. Munyń bári áleýmettik jelilerde jazylyp, sýretterine deiin jariialanyp jatyr. Osyǵan qarap, zańnyń oryndalýy týraly ne aitýǵa bolady? Eger oryndalmaityn bolsa, zańdardy ne úshin qabyldaimyz? Bul Ishki ister ministrligine, Úkimetke, jergilikti atqarýshy organdarǵa qatysty suraq. Mundai máseleniń basqa da zańdarǵa qatysy bar", – dedi Máýlen Áshimbaev.
Aita keteiik, búgin Palata otyrysynda senatorlar «Qazaqstan Respýblikasynyń keibir zańnamalyq aktilerine oiyn biznesi, lotereia qyzmeti, densaýlyq saqtaý, memlekettik eńbek inspektsiiasy, memlekettik baqylaý jáne artyq zańnamalyq reglamentteýdi bolǵyzbaý máseleleri boiynsha ózgerister men tolyqtyrýlar engizý týraly» zańdy qarady.
