سۋرەت: islam.az
زاڭدى ەزٸرلەۋدەن بٶلەك, ونى جٷزەگە اسىرۋ جەنە ورىندالۋىن باقىلاۋ دا اسا ماڭىزدى مٸندەت. سەنات سپيكەرٸ مەۋلەن ەشٸمباەۆ ەنەرگەتيكالىق سۋسىندارعا تىيىم سالۋ جٶنٸندەگٸ زاڭنامالىق شارالاردىڭ تيٸمسٸز بولىپ قالۋى مٷمكٸن ەكەنٸنە نازار اۋداردى.
"يە, بٸز تىيىم سالۋدى ماقۇلدايمىز. بٸراق, ەرٸپتەستەر, بٸز وسىنداي تىيىمداردى كاليان مەن ۆەيپتەرگە دە قاتىستى ەنگٸزگەن ەدٸك. سول مەسەلەلەر بويىنشا قانشاما تالقىلاۋلار بولدى. الايدا, قازٸر كٶپتەگەن ورىنداردا, دەمحانالار مەن مەيرامحانالاردا كەلۋشٸلەر كاليان تۇتىناتىنى جاسىرىن ەمەس. ۆەيپتەرگە دە تىيىم سالدىق. دەگەنمەن, ولار دا ساتىلىپ جاتىر. وسى رەتتە ٷكٸمەت زاڭداردىڭ ورىندالۋىن قانشالىقتى باقىلايدى دەگەن ٷلكەن سۇراق تۋىندايدى. مەملەكەت باسشىسى بەرگەن تاپسىرمالاردى اتٷستٸ ەمەس, تولىق ورىنداۋىمىز كەرەك. ەگەر بٸز, شىن مەنٸندە,ۇلتتىڭ دەنساۋلىعى مەن سالاماتتى ٶمٸر سالتىن ساقتاۋدى ويلاساق, زاڭدار قابىلداپ قانا قويماي, ولاردىڭ تولىق ٸسكە اسىرىلۋىن دا قامتاماسىز ەتەيٸك. زاڭ ورىندالماسا, قۇقىقتىق مەملەكەتتٸڭ بٷكٸل قۇرىلىمى زارداپ شەگٸپ, جۇمىسىن توقتاتادى. ەنەرگەتيكالىق سۋسىندارعا تىيىم سالۋ تۋرالى نورما دۇرىس ەكەنٸ تٷسٸنٸكتٸ. ونى دەرٸگەرلەر دە ايتىپ جٷر. ەندٸ سول نورمالاردىڭ جٷزەگە اسىرىلۋىن باقىلاۋ قاجەت", – دەدٸ سەنات تٶراعاسى.
مەۋلەن ەشٸمباەۆتىڭ ايتۋىنشا, قۇقىق بۇزعانداردى انىقتاۋ ٷشٸن الىسقا بارۋدىڭ جەنە ەرەكشە كٷش سالۋدىڭ قاجەتٸ جوق. بارلىق «دەلەل» اشىق جارييالاناتىن ەلەۋمەتتٸك جەلٸلەردٸ باقىلاسا دا جەتكٸلٸكتٸ.
"مەسەلەن, كالياندار بويىنشا ايتايىق. بٷگٸن پالاتا وتىرىسىندا ٷكٸمەتتٸڭ دە ٶكٸلٸ وتىر. وسى مەسەلەنٸ جەرگٸلٸكتٸ اتقارۋشى ورگاندارمەن بٸرگە تەكسەرگەن جٶن. ٸشكٸ ٸستەر مينيسترلٸگٸنٸڭ دە باسشىلىعى وسىندا. كەشكٸ استاناعا شىعىپ قاراڭىز. تٸپتٸ ەشقايدا شىعۋدىڭ دا قاجەتٸ جوق. مۇنىڭ بەرٸ ەلەۋمەتتٸك جەلٸلەردە جازىلىپ, سۋرەتتەرٸنە دەيٸن جارييالانىپ جاتىر. وسىعان قاراپ, زاڭنىڭ ورىندالۋى تۋرالى نە ايتۋعا بولادى? ەگەر ورىندالمايتىن بولسا, زاڭداردى نە ٷشٸن قابىلدايمىز? بۇل ٸشكٸ ٸستەر مينيسترلٸگٸنە, ٷكٸمەتكە, جەرگٸلٸكتٸ اتقارۋشى ورگاندارعا قاتىستى سۇراق. مۇنداي مەسەلەنٸڭ باسقا دا زاڭدارعا قاتىسى بار", – دەدٸ مەۋلەن ەشٸمباەۆ.
ايتا كەتەيٸك, بٷگٸن پالاتا وتىرىسىندا سەناتورلار «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە ويىن بيزنەسٸ, لوتەرەيا قىزمەتٸ, دەنساۋلىق ساقتاۋ, مەملەكەتتٸك ەڭبەك ينسپەكتسيياسى, مەملەكەتتٸك باقىلاۋ جەنە ارتىق زاڭنامالىق رەگلامەنتتەۋدٸ بولعىزباۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭدى قارادى.
