Foto: wikipedia.org
Tibet býddizmindegi eń basty tulǵa Dalai lamanyń naqyl sózderi kópshilikti oilandyryp, keide adamdar ishindegi suraqtarǵa jaýap taýyp jatady.
Solardyń birnesheýi usynylyp otyr:
Adam balasynyń ómirinde asa mańyzdy eki qundylyq bar. Osy ekeýinen ózgesin kelesi oryndarǵa qoiýǵa bolady. Barlyq adam dini senim-nanymdarynyń qandai ekendigine qaramastan meiirimdi hám keshirimshil bolǵany abzal. Sonda únemi kóńilimiz jaidarlanyp, árdaiym jadyrap-jainap júrmekpiz. Qamshynyń sabyndai qysqa osynaý alasapyran dúniede bizge osydan artyq tańdaý da joq.
Adam balasy aqsha tabý úshin, densaýlyǵyn qurbandyqqa shalyp jiberedi. Sosyn, tapqan aqshasyn, sol deneni saýyqtyrý úshin jumsaidy. Bolashaqqa árdaiym asyǵady da, búginnin umytady. Aqyrǵy nátijede adam búginge de, ertengi ýaqytqa da ǵumyry jetpei qalady. Nege deseńiz, ár pende eshqashan ólmeitindei ómir súredi de, kúnderdiń bir kúninde eshqashan ómir súrmegendei- aq ómirden ótedi.
Adam balasynda senim men úmittiń myńdaǵan shoǵy mazdap turady. Biri sónse de, ózgesi qalady. Birer sátsizdikke urynǵan soń senimin joǵaltatyndar bolady. Alaida, ómir degen ólsheýsiz bai, adamnyń aqyl-oiy tuńǵiyq tereń. Bir ǵana úmitke barlyǵyn artý –kórsoqyrlyq. Eger sol jalǵyz úmit aqtalmasa, ómir qurdymǵa ketpei me? Sondyqtan, ondai qaterge ózimizdi itermeiik.
Ár tańda oianǵan saiyn kúnniń kózin kórgenińe qýan. Sen esen saýsyń, asyl jansyń. Azat ta asyl jannyń kórer qyzyǵy alda.osy múmkindikti bosqa jibermegin. Álemge nurly shýaq shashý úshin ózińdi damyt, júregińdi tazart. Dál búginnen osylai, ózgelerge shyn nietpen qatynas jasaǵyn. Adam oi men jaman nietten aýlaq bolyp, ózińdi sergek usta.
Jańa ǵasyr bizden tyń ideialardy talap etip jatyr. Sondyqtan, buryńǵydan da keń óris, kópshil kózqaras, adamzatqa asa qajet bolyp otyr. Tek ózińniń qamyńdy kúitteitin zaman kelmeske ketti. «Meniń ǵana otbasym, ata -tegim, rýym ǵana»- dep tar sheńberde shektelmei kúlli eldiń, el-jurtynyń joǵyn joqtap, muńyn muńdaityn jaýapkershilik bizge júkteldi.
Beisenǵazy Ulyqbek
Qazaqstan Jýrnalister Odaǵynyń múshesi
