Daǵystandaǵy Kizliar qalasynda 22 jastaǵy Halil Halilov Proshenoe Voskresene kúninde pravoslav ǵibadathana kelýshilerge oq jaýdyryp, saldarynan bes áiel qaza tapty.
Tórt adam aýrýhanaǵa jatqyzylǵan: eki áiel jáne Resei gvardiiasynyń eki jaýyngeri. Áielderdiń háli óte aýyr, al politseiler ortasha deńgeide jaraqat alǵan, travmatologiia bóliminde jatyr, dep jazady sputniknews.kz RIA Novosti agenttigine silteme jasap.
Reuters agenttiginiń málimetinshe, "Islam memleketi" (Qazaqstan, Resei jáne t.b. elderde tyiym salynǵan) terrorlyq uiymy jappai qyrǵyn úshin jaýapkershilikti moiynyna aldy.
Shirkeýge kelýshilerge oq atqan jigitti Resei gvardiiasy qyzmetkerleri oqiǵa ornynda atyp óltirgen.
"Ańshy myltyǵyn ustaǵan er adam ǵibadathanaǵa kirmek bolǵanda, ony kórgen adamdar atys shyǵaratynyn túsinip, esikti jaýyp aldy. Sol kezde ol syrtta qalǵan áielderdi ata bastady", — deidi oqiǵa kýágerleriniń biri.
