QR Prezidenti Qasym-Jomart Toqaev otandyq biznes ókilderimen kezdesýinde shet elderden investitsiia tartý týraly pikir bildirdi, dep habarlaidy QazAqparat.
«Básekege qabiletti taýar naryqtarynyń shamadan tys baǵalyq rettelýi eldi jeke investitsiialardan aiyrady. Nátijesinde memleket osyndai salalarǵa investitsiia salýǵa májbúr, sóitip biznestegi isi bulyńǵyr, ikemsiz operatorlardyń sanyn arttyrady. Óte muqiiat bolý kerek jáne naryqtyq ekonomikanyń negizgi printsipterinen aýytqymaý qajet. Bul taýar naryqtaryna da, tabiǵi monopoliialar qyzmetteriniń tarifterine de qatysty», - dedi Memleket basshysy.
Prezident investitsiialyq ahýal týraly aityp, osyndai kúrdeli jaǵdailardyń ózinde de Eýroodaqtan, AQSh-tan, Qytaidan, tek qarjylyq qana emes, keń tehnologiialyq quzyretteri bar basqa da elderden investitsiialar kólemin saqtaý jáne ulǵaitý úshin bar kúsh-jigerdi jumsaitynyn atap ótti.
«Baýyrlas Túrkiia men Ortalyq Aziia elderi mańyzdy saýda-investitsiialyq seriktesterge ainalyp keledi. Jolǵa qoiylǵan bailanystar men tizbekterdi saqtai otyryp, qazirgi daǵdarystan shyǵynsyz shyǵý kerek. Bul jumysty jandandyrý qajet, biraq árine sanktsiialar kontekstin de eskergen jón», - dedi Toqaev.
