Memlekettik organdardyń, halyqaralyq uiymdardyń, ýniversitetterdiń, sonyń ishinde EYDU-nyń jáne Eýropa, Aziia jáne Amerikanyń 20 elinen 250-den astam ókili Nazarbaev Ýniversitetiniń joǵary memlekettik saiasat mektebi jyl saiynǵy konferentsiiasynyń aiasynda uiymdastyrylǵan «Jańa ahýaldaǵy memlekettik basqarý jəne senim» atty Astana memlekettik qyzmet habynyń paneldik sessiiasyna qatysty.
Talqylaý nysanasy memlekettik basqarýdyń tiimdiligi jáne úkimettik kommýnikatsiialardyń qazirgi zamanǵy jaǵdailarda qoǵamdyq senimdi arttyrýdaǵy róli boldy.
Astana memlekettik qyzmet habynyń Basqarýshy komitetiniń Tóraǵasy Alihan Baimenov óz sózinde «Pandemiia jáne ol týyndatqan múldem jańa shynaiylyq memlekettik basqarýdyń sapasyna joǵary talaptar qoiatynyn, ol jańa syn-tegeýrinderge dereý jaýap qaitarý sharalarynda da, sondai-aq qalpyna keltirýdiń neǵurlym tiimdi joldaryn izdestirýde de sheshýshi ról atqaratynyn» atap ótti. «Bul, sózsiz, úkimetter qyzmetiniń barlyq aspektilerin – resýrstar men fýnktsiialardy qaita bólýden bastap, basqarýdyń úzdik tájiribelerin qoldanýdan bastap Aqparattyq tehnologiialar men kommýnikatsiialyq strategiialardy jedel paidalanýǵa deiin qaita qaraýmen qatar júretini sózsiz» - dedi Hab basshysy. Budan ári ol «úkimettik sheshimderdi tiimdi iske asyrýdyń negizgi sharty qoǵamnyń senimi bolyp tabylady, ol tek qoǵamdyq qundylyq qana emes, sonymen qatar tiimdi ákimshilik kapital bolyp tabylady» dep atap ótti. Onyń aitýynsha, «Úkimettiń is-áreketiniń utymdylyǵyna senimdilik beretin - senim».
Qazaqstan Respýblikasy Memlekettik qyzmet isteri agenttiginiń tóraǵasy Anar Jaiylǵanova óziniń alǵy sózinde, kóptegen basqa elderdegidei, Qazaqstandaǵy memlekettik apparat alǵan tájiribesin eskere otyryp, óz jumysyn jumyldyryp, qaita qura alǵanyn, el úkimeti qabyldaǵan sharalarǵa qysqasha toqtalyp ótti. Ol sondai-aq tiimdi memlekettik basqarý men kommýnikatsiialar daǵdarysqa qarsy sharalar tabysynyń negizgi elementteri bolyp tabylatynyn erekshe atap ótti.
BUUDB-nyń Qazaqstan Respýblikasyndaǵy Turaqty ókili Iakýb Berish daǵdarys búkil álemdegi úkimetterge qatty qysym kórsetip otyrǵanyn atap ótti. Qazaqstandaǵy BUUDB óz missiiasyna sáikes osy jaǵdailarda Úkimetke jan-jaqty qoldaý kórsetedi. Budan ári, ol bylai dep atap ótti: «qazir biz qalai jaqsy jáne ekologiialyq taza jańadan qura alatynymyz týraly uzaq merzimdi mindetter men damý basymdyqtaryn sheshý týraly oilanatyn kez keldi. Buǵan myqty memlekettik basqarý júiesi bolmasa qol jetkizý múmkin emes».
Sessiiada negizgi spikerler retinde Grýziia Memlekettik qyzmet biýrosynyń basshysy Ekaterina Kardava, Whiteshield Partners-tiń teń quryltaishysy jáne jahandyq basqarýshy seriktesi Fadi Farra, Ekonomika jáne memlekettik basqarý ortalyǵynyń joǵary keńesshisi jáne teń quryltaishysy Kristin Leitner, EYDU saiasi taldaýshysy Karin Badr, Ázerbaijan Respýblikasy Prezidentiniń janyndaǵy Azamattarǵa qyzmet kórsetý jáne áleýmettik innovatsiialar jónindegi memlekettik agenttiktiń bólim basshysy Muhammadali Hýdaverdiev, Vilniýs ýniversitetiniń memlekettik basqarý jáne saiasatty taldaý ortalyǵynyń professory Vitalis Nakrosis, sondai-aq táýelsiz halyqaralyq sarapshylar Pol E. M. Reinolds jáne Rýpinder Singh sóz sóiledi.
Atap aitqanda, EYDU ókili Karin Badr paneldik sessiia barysynda EYDU-nyń qoǵammen bailanys jónindegi alǵashqy halyqaralyq esebiniń qorytyndylaryn usyndy.
Pikirsaiys barysynda qatysýshylar COVID-19 álemniń túrli elderindegi memlekettik basqarýdy transformatsiialaýǵa áserin, senimge degen qajettilikti, qoǵamnyń senimin qamtamasyz etýdegi tiimdi jáne ashyq kommýnikatsiianyń rólin, azamattarǵa baǵdarlanǵan jańa qoǵam qurýdyń, barlyq múddeli taraptardyń qatysýymen birlesken basqarýǵa (collaborative governance) kóshýdiń negizgi qaǵidattaryn talqylady.
Anyqtamalyq aqparat:
Astana Memlekettik qyzmet haby: habtyń missiiasy qatysýshy elder úkimetteriniń Memlekettik qyzmettiń institýtsionaldyq jáne adami áleýetin arttyrýdaǵy kúsh-jigerin qoldaý arqyly memlekettik qyzmettiń tiimdiligin arttyrýǵa járdem kórsetý bolyp tabylady.
Qazaqstan Respýblikasy Úkimetiniń jáne BUU Damý baǵdarlamasynyń bastamasy boiynsha 2013 jyly qurylǵan Astana Memlekettik qyzmet haby búgingi tańda 42 qatysýshy el men 70 institýtsionaldyq áriptesti qamtidy. Hab qatysýshy elderdiń qajettilikterine jaýap beretin ikemdi kún tártibi bar memlekettik qyzmet salasynda tájiribe men bilim almasý jónindegi institýtsionaldyq platforma bolyp tabylady.
