QR Premer-Ministri Daǵdarysqa qarsy sharalar jónindegi jedel shtabtyń kezekti otyrysyn ótkizdi, dep habarlaidy "Ult aqparat" Úkimettiń resmi saityna silteme jasap.
Otyrysta Transkaspii halyqaralyq kólik baǵdaryn (THKB) damytý boiynsha ótkizilgen kelissózderdiń nátijeleri jáne qazaqstandyq júkterdi tasymaldaý máseleleri qaraldy.
Qazaqstandyq jáne tranzittik júkterdi tasymaldaýdy qamtamasyz etý úshin 9-10 naýryzda QR Indýstriia jáne infraqurylymdyq damý ministrliginiń, Ázerbaijannyń Tsifrlyq damý jáne kólik ministrliginiń, Grýziianyń Ekonomika jáne turaqty damý ministrliginiń ókilderi arasynda kelissózder júrgizildi.
THKB damytý maqsatynda taraptar ótpeli tarif belgileý, júkterdi deklaratsiialaý, biryńǵai AT-sheshimderdi qoldaný jáne tranzittik júkterdi shoǵyrlandyrý máselelerin sheshetin birlesken kásiporyn qurý týraly kelisti.
Jalpy, baǵyt boiynsha jylyna 10 mln tonnaǵa deiin, onyń ishinde 200 myń konteinerge deiin tasymaldaý múmkindigi bar. Lianiýngan (QHR) porty arqyly qoldanystaǵy marshrýtqa qatysty tranzittik júk tasymaldaryna tarifti tómendetý máselesi pysyqtalyp jatyr.
«Atameken» UKP tóralqa tóraǵasy R. Batalovtyń aitýynsha, memlekettik organdar men biznestiń birlesip atqarǵan jumysynyń nátijesinde qazirgi tańda QHR shekarasynda qazaqstandyq júkterdiń turyp qalý jaǵdailary baiqalmaidy.
Belarýs shekarasynda júkterdiń turyp qalýyna qatysty biznesten buǵan deiin túsken aqparatqa sáikes tiisti monitoring júrgizildi, onyń qorytyndysy boiynsha atalǵan málimet rastalǵan joq. Jedel shtabtyń kelesi otyrysy 11 naýryzda ótedi.
