Biyl orta jáne shaǵyn biznesti qoldaýǵa qosymsha baǵyttalǵan qarjynyń jalpy kólemi - 1 trillion teńge. Bul týraly Ortalyq kommýnikatsiialar qyzmetinde ótken onlain brifingide aityldy, dep habarlaidy "Ult aqparat".
«Biyl orta jáne shaǵyn biznesti qoldaýǵa qosymsha baǵyttalǵan qarjynyń jalpy kólemi 1 trillion teńgeni quraidy. Onyń 600 mlrd teńgesi Ulttyq bank tarapynan bolsa, 400 mlrd teńge «Qarapaiym zattar ekonomikasy« baǵdarlamasy boiynsha bólindi», - deidi QR Ulttyq ekonomika ministri Rýslan Dálenov.
Onyń aitýynsha, «Biznes jol kartasy - 2020» aiasynda sýbsidiialaý boiynsha qarjylandyrý eki esege artty.
«Sondai-aq, Memleket basshysynyń tapsyrmasy boiynsha jańa baǵyt jasalýda. Bul – shaǵyn jáne mikrobizneste júrgen kásipkerlerdi jeńildikti qarjylandyrý. Budan basqa, «Nurly jol», «Nurly jer», «Óńirlerdi damytý baǵdarlamasy», «Jumyspen qamtý jol kartasy» baǵdarlamalary aiasynda infraqurylymdyq jobalar júzege asyrylady. Munyń bári týra jáne janama túrde orta jáne kishi biznes sýbektilerin qoldaidy», - deidi ol.
Eske sala ketsek, eldegi jumyspen qamtýdy jáne áleýmettik-ekonomikalyq turaqtylyqty qoldaýǵa baǵyttalǵan daǵdarysqa qarsy sharalardy júzege asyrý úshin Úkimet 5,9 trln teńge bólgen.
