Koronavirýstyń taralýyna qarsy vedomstvoaralyq komissiia álemdegi epidemiologiialyq jaǵdaiǵa sholý jasady, dep habarlaidy "Ult aqparat".
Ulybritaniia biligi koronavirýsqa qarsy ekpe saldyrǵan turǵyndardyń álem boiynsha saiahattaýyna ruqsat berýdi josparlap otyr.
Bul týraly Densaýlyq saqtaý ministri Mett Hankok málimdedi.
Bul azamattarǵa Frantsiia, Italiia, Ispaniia, Portýgaliia, Gretsiia jáne AQSh siiaqty memleketterge barýǵa múmkindik beredi.
Onyń aitýyna qaraǵanda, Úkimet vaktsinatsiia arqyly álemniń kez kelgen elinde erkin júrý múmkindigin qalpyna keltirýge septigin tigizetin josparlardy iske asyrmaq.
«Bul sharalar klinikalyq turǵydan áli usynylǵan joq. Biz osy máselelerdi qazirgi tańda sheship jatyrmyz. Vaktsinatsiia baǵdarlamasynyń maqsaty da sol. Mine, sondyqtan árbir eresek adamnyń ekpe alýy óte mańyzdy», - dep túsindirdi ministr.
Sonymen qatar, saiahatshylarǵa úige oralǵannan keiin oqshaýlanýdyń qajeti de bolmaidy.
Izraildiń Densaýlyq saqtaý ministrligi balalarynyń karantin talaptaryn buzǵany úshin ata-analarǵa 5000 shekel (shamamen 660 myń teńge) aiyppul salý sanktsiiasyn engizdi.
Tiisti buiryqqa densaýlyq saqtaý ministrliginiń Bas direktory professor Hezi Levi 23 maýsymda qol qoidy.
Bul shara Sovid-19 infektsiiasyn juqtyrý oqiǵalary sanynyń artýyna bailanysty qolǵa alynyp otyr.
Infektsiiany juqtyrýdyń jańa epizodtary eldiń ártúrli aimaqtarynda tirkelýde.
Endi karantinge jatqyzylǵan bala shekteý sharalaryn buzǵan jaǵdaida, balamen birge turatyn eresek adamǵa 5000 shekel aiyppul salynýy múmkin.
Kolýmbiiaǵa Janssen vaktsinasynyń alǵashqy partiiasy jetkizildi.
El prezidenti Ivan Dýke óziniń Twitter-inde Kolýmbiiaǵa Janssen kompaniiasy shyǵarǵan ekpeniń alǵashqy 480 myń dozasynyń jetkizilgenin habarlady.
Onyń aitýynsha, vaktsinanyń bul partiiasy eldiń shalǵai aýdandaryndaǵy turǵyndardy ekpemen qamtamasyz etýge múmkindik beredi.
Kolýmbiiada COVID-19 koronavirýs infektsiiasy anyqtalǵan jaǵdailardyń sany shamamen 4 milliondy quraidy.
