Qazaqstanda taǵy 658 adamnyń koronavirýs testi oń shyqty, 13 adamǵa koronavirýs pnevmoniiasy diagnozy qoiyldy. Bir kúnde 11 adam ólimi tirkeldi: 8 adam - koronavirýstan, 3 naýqas koronavirýs pnevmoniiasynan qaitys boldy dep aitylady. Densaýlyq saqtaý ministrliginiń 2 naýryz kúngi habarlamasynda osyndai málimet jazylǵan.
Resmi málimet boiynsha, 2020 jyldyń naýryz aiynan beri 214 089 adamǵa koronavirýs juqqany PTR testpen rastalǵan. Sodan beri 197 782 adam jazylǵan, 2 772 adam qaitys bolǵan.
Qazaqstan biligi koronavirýs juqqany PTR testpen emes, klinikalyq belgileri boiynsha anyqtalǵan naýqastar esebin (koronavirýs pnevmoniiasy) 2020 jyldyń 1 tamyzynan beri júrgizip keledi. Oǵan deiin koronavirýs pnevmoniiasyna qansha adamnyń shaldyqqany belgisiz. 1 tamyzdan beri 49 307 adam koronavirýs pnevmoniiasyna shaldyqqan, 628 adam pnevmoniianyń sol túrinen qaitys bolǵan. 42 myńnan astamy jazylǵan.
Densaýlyq saqtaý ministrliginiń málimetinshe, qazir 19 694 adam (KVI+, KVI-) koronavirýstan emdelip jatyr. 13,6 myńynyń PTR testi oń shyqqan. 250 adamnyń jaǵdaiy aýyr,48 naýqastyń jaǵdaiy óte aýyr, 44 adam jasandy tynys apparatyna qosylǵan.
1 naýryz kúngi málimet boiynsha, koronavirýs juqqany PTR testpen rastalǵandar sany jaǵynan Almaty qalasy alda tur. Bir kúnde eldegi eń iri qalada 102 naýqas tirkelgen. Aqmola oblysynda - 78, Pavlodar oblysynda - 77, Nur-Sultanda - 65, Qostanai oblysynda - 62, Shyǵys Qazaqstan oblysynda - 55, Almaty oblysynda - 48, Batys Qazaqstan oblysynda - 46, Soltústik Qazaqstan oblysynda - 37, Qaraǵandy oblysynda 27, Atyraý oblysynda - 24, Jambyl oblysynda - 5, Qyzylorda oblysynda - 6, Shymkentte - 17, Aqtóbe oblysynda - 5, Túrkistan oblysynda 3, Mańǵystaý oblysynda 1 naýqas tirkelgen.
Qazir birde-bir aimaq "qyzyl aimaqta" turǵan joq. "Sary aimaqta": Nur-Sultan qalasy, Aqmola, Pavlodar, Batys Qazaqstan, Qostanai oblystary tur. Qalǵany - "jasyl aimaqta".
Sondai-aq, 2 naýryzdaǵy málimet boiynsha, 19 694 adam koronovirýs infektsiiasynan (13 535 KVI+ jáne 6 159 KVI-) emdelip jatyr. Olardyń ishinde 4 360 patsient statsionarda, 15 334 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 250 adamnyń jaǵdaiy aýyr;
• 48 patsienttiń jaǵdaiy óte aýyr;
• 44 naýqas ÓJJ apparatynda jatyr.
Djons Hopkins ýniversitetiniń málimeti boiynsha, álemde koronavirýs juqtyrǵandar 114 mln 417 myńnan asty. 64 mln 603 myń adam jazylǵan. 2 mln 538 myń naýqas qaitys bolǵan.
