Keshe, 24 maýsymda 1445 adamnyń koronavirýs analizi oń shyqty. Eki kún buryn 78 adam koronavirýs pnevmoniiasyna shaldyqqan. 18 adam qaitys bolǵan: 13 adam - koronavirýstan, 5 adam koronavirýs pnevmoniiasynan kóz jumdy dep aitylady.
Elde koronavirýstyń "úndistandyq shtamy" anyqtalǵan shaqta naýqastardyń qaita kóbeigeni baiqalady. Nur-Sultanda 27 maýsymnan bastap karantin qaita kúsheiedi. Qalada adam kóp qatysatyn toi, mereitoi, eske alý sharalaryn ótkizýge bolmaidy. Miting, sherý ótkizýge de tyiym salynady. Qoǵamdyq oryndarda onyń ishinde, qoǵamdyq kólik, ruqsat etilgen ashyq nysandarǵa barǵan kezde turǵyndar maska taǵýǵa mindetti, antiseptik qoldanyp, ara qashyqtyqty saqtaýy tiis. Ashyq jobasyna qatysatyn biznes nysandar klientterin sol qosymshanyń kómegimen kirgizýge mindetteledi. Buǵan deiin Pavlodar oblysynda da karantin kúsheigen edi.
Beisenbi kúni Nur-Sultanda – 506, Almatyda – 181, Qaraǵandy oblysynda – 147, Aqmola oblysynda – 33, Almaty oblysynda – 37, Pavlodar oblysynda – 49, Batys Qazaqstan oblysynda 70 adamnan koronavirýs anyqtaldy. Shymkentte – 50, Atyraý oblysynda – 61, Shyǵys Qazaqstan oblysynda – 87, Jambyl oblysynda – 31, Aqtóbe oblysynda – 20, Qostanai oblysynda – 34, Qyzylorda oblysynda – 31, Mańǵystaý oblysynda – 41, Soltústik Qazaqstan oblysynda – 25, Túrkistan oblysynda 33 naýqas tirkelgen.
2020 jyldyń naýryz aiynan beri elde 414 712 adamnyń koronavirýs testi oń shyqqan. 4281-i qaitys bolǵan. Buǵan qosa, koronavirýs pnevmoniiasyna shaldyqqandar 56 786 adamǵa jetti. 3437-i kóz jumǵan dep aitylady. Elde koronavirýs pen koronavirýs pnevmoniiasyna shaldyqqandar bólek esepteledi. Biraq halyqaralyq uiymdardyń saitynda eki kórsetkish biriktirilgen.
Qazir 22 325 adam koronavirýstan emdelip jatyr. (21 myńnan astamynyń PTR testi oń shyqqan). Statsionarda 6738 adam emdelip jatyr. 15 587 adam ambýlatorlyq jaǵdaida em qabyldap júr. 409 adamnyń jaǵdaiy aýyr, 104 patsienttiń jaǵdaiy óte aýyr, 68 adam jasandy tynys apparatyna qosylǵan.
Qazaqstanda 2 mln 997 myń adam koronavirýsqa qarsy vaktsinanyń keminde bir dozasyn alǵan. 1 mln 829 myńy eki dozasyn alǵan. Azamattarǵa reseilik "Spýtnik V", qazaqstandyq QazVac jáne qytailyq Sinopharm jáne "Sinovac Biotech Ltd" kompaniiasynyń CoronaVac (Sinovac) vaktsinasy egilip jatyr.
Bilik halyq yntasyn arttyrý úshin vaktsinaǵa kelýshiler arasynda Reseidegidei kólik, páter oinata bastady. Biraq ár jerde "jalǵan vaktsina" alýshylar týraly da aqparat jiilei bastady.
Amerikalyq Djons Hopkins ýniversitetiniń dereginshe, indet bastalǵaly beri álemde 179 mln 942 myń adamnan koronavirýs anyqtalǵan. 3 mln 898 myń adam qaitys bolǵan.
