Baqytjan Saǵyntaev «Almaty» telearnasyndaǵy Akimat Live baǵdarlamasynda vaktsinatsiia koronavirýs infektsiiasymen kúreste mańyzdy ekenin aitty, dep habarlaidy "Ult aqparat".
Megapolis ákiminiń aitýynsha, qoǵamdyq bereke jáne qala ómiriniń burynǵy qalpyna qaita oralýy árqaisymyzǵa tikelei bailanysty.
Sonymen qatar, ol kóp nárseniń biznes ókilderine qatysty ekenin tilge tiek etti.
Olar ujym múshelerin ekpeden ótkizý arqyly klientteri aldynda jaýapkershilikterin kórsete alady.
Kelýshilerdiń densaýlyǵyna degen shynaiy qamqorlyq osydan kórinedi, bul ásirese qoǵamdyq tamaqtaný oryndaryna, qyzmet kórsetý salalaryna tikelei qatysty.
Aita keteiik, Almatyda qalalyqtardy jappai vaktsinalaý 2 sáýirde bastaldy.
«Ótken táýlikterde KVI-ge qarsy vaktsinany 6 037 adam aldy. Jalpy aǵymdaǵy jyly 1 aqpan men 4 mamyr aralyǵynda 232 295 adamǵa ekpe salyndy. Onyń ishinde 25 sáýirden bastap QazVas vaktsinasyn 2 723 adam aldy. II komponentti «Spýtnik –V» ekpesin 87 214 adam qabyldady. Sonymen qatar, Hayat Vax preparatymen vaktsinalaý bastaldy»,-dedi Baqytjan Saǵyntaev.
