Koronavirýs vaktsinasyn saqtaý úshin óńir ákimdikteri tońazytqysh qurylǵylaryn alyp jatyr. Bul týraly OKQ ótken baspasóz máslihatynda Densaýlyq saqtaý birinshi vitse-ministri Marat Shoranov málim etti, dep habarlaidy QazAqparat.
«Vaktsinanyń sapasyn qamtamasyz etý úshin óńirler tońazytqysh qurylǵylaryn alyp jatyr. Ol tońazytqyshtarda vaktsina saqtalady ári sol arqyly tasymaldanady», - dedi Marat Shoranov OKQ-da ótip jatqan baspasóz máslihatynda.
Onyń aitýynsha, vaktsinany jetkizý jumysy negizgi 4 kezeńnen turady.
Eń aldymen óndirýshiden biryńǵai distriiýtordyń qoimasyna jetkiziledi. Odan keiin biryńǵai distriiýtordyń qoimasynan óńirlerdegi densaýlyq saqtaý basqarmalarynyń dárihana qoimalaryna ákelinedi. Osydan keiin úshinshi kezeńde óńirlerdegi densaýlyq saqtaý basqarmalary bul vaktsinalardy qalalar men aýdandardaǵy meditsinalyq uiymdarǵa tasymaldaidy. Tórtinshi kezeńde vaktsina sol meditsinalyq uiymdarda sapaly kúide saqtalýy kerek.
Eske sala ketsek buǵan deiin Marat Shoranov vaktsinatsiia júrgizer aldynda azamattardyń dene temperatýrasy ólshenip, júrek-qantamyr júiesin aýskýltatsiialaý jáne jutqynshaqty tekserý sharalary jasalatynyn aitqan edi. Eger temperatýra 37°C-tan assa, vaktsinatsiia keiinge qaldyrylady.
