Atyraý oblysyndaǵy Teńiz ken ornynda 2 kompaniia karantinge jabyldy, dep habarlaidy "Ult aqparat".
Atyraý oblysynyń bas sanitar dárigeri Amantai Jumaǵalievtyń málimetine sensek, Teńiz ken ornynda 7 jeltoqsannan bastap karantin sharalary kúsheitilgen.
«Sońǵy eki aptada koronavirýs dereginiń 80% Teńiz ken ornynyń qyzmetkerlerinen anyqtaldy. Naýqastarmen bailanysta bolǵan jumysshylar oqshaýlanyp, meditsinalyq kómek kórsetilip jatyr. Ótken bir táýlikte Teńiz ken ornyndaǵy eki kompaniianyń 42 jumysshysy koronavirýs infektsiiasyn juqtyrdy. Naýqastardyń 99% profilaktikalyq maqsatta júrgizilgen skrining nátijesinde belgili bolyp otyr. Qazir eki kompaniia karantinge jabyldy», - deidi Amantai Jumaǵaliev.
Onyń aitýynsha, Densaýlyq saqtaý ministrliginiń kriteriilerine sáikes, eger Atyraý qalasy men basqa eldi mekenderde infektsiianyń ósýi baiqalsa, shekteýler kúsheitilip, karantin jariialanýy múmkin. Biraq, ázirge mundai qajettilik týyndap otyrǵan joq.
Bas sanitar dáriger óńir turǵyndary men qonaqtaryn, ásirese demalys jáne aldaǵy mereke kúnderi sanitarlyq sharalardy qatań saqtaýǵa shaqyrdy.
«Aldaǵy demalys, merekelerge bailanysty, ásirese, jańa jyl kúnderi otbasylyq is-sharalardy ótkizbeý kerek. Maska rejimin, qoǵamdyq oryndarda áleýmettik qashyqtyqty saqtap, qoldy jii jýǵan jón. Bul – talap», - dedi bas sanitarlyq dáriger Amantai Jumaǵaliev.
