Taiaýda Tatarstannan 20-dan astam tájiribeli maman ShQO-ǵa keledi. Bul týraly Shyǵys Qazaqstan oblysynyń ákimi Danial Ahmetov oblystaǵy COVID-19 jaǵdaiy týraly tikelei efirde ótken brifingide aitty, dep habarlaidy "Ult aqparat".
«Oblysta 82 adam, onyń ishinde 51-i pnevmoniiadan, 22-si koronavirýs jáne basqa da qosymsha dertten qaza tapty. Jaqynyn joǵaltqan otbasylarǵa qaiǵyra kóńil aitamyn», - deidi oblys ákimi Danial Ahmetov.
Onyń aitýynsha, oblysta kompiýterlik tomografiia múmkindigi kúsheitilgen.
«Kezekti boldyrmas úshin Óskemen, Semeidegi úsh meditsinalyq mekeme oblystaǵy aýdandardy bólip alyp, sol aýdandardan kelgen naýqastardy qaraidy. 55 elektrondyq rentgendi qoldanatyn bolamyz. 277 reanimatsiialyq oryn daiyndadyq. Joǵary tehnikalyq oryndarda asa aýyr jaǵdaidaǵy adamdar jatady. Búgingi tańda naýqastarǵa qaraý úshin qosymsha 148 dáriger, 197 medbike jumysqa tartyldy. Qazirgi ýaqytta Tatarstan prezidentimen kelisimge keldik. Jaqyn ýaqytta ol jaqtan 20-dan astam tájiribeli maman ShQO-ǵa bizdiń dárigerlerge keńes berýge keledi», - deidi ol.
