Qazirgi kezde álemniń 154 elinde COVID-19 virýsyna qarsy 781 mln-nan astam ekpe salyndy. Bul vaktsinany tolyq alǵan ǵalamshar turǵyndarynyń sany nebári 5,1 paiyzdy quraitynyn shamalaýǵa múmkindik beredi, dep habarlaidy Bloomberg agenttigi.
Agenttiktiń baǵalaýynsha, statistika jasalǵan elderde vaktsinalaýdyń ortasha qarqyny qazirgi kezde kúnine 17,9 mln dozany qurap otyr.
«Bul alańdatarlyq jaǵdai. Osyndai qarqynmen jahandyq immýnitettiń aitarlyqtai deńgeiine jetý úshin, jyldar qajet bolady». Aitarlyqtai deńgei mánine turǵyndardyń 70-ten 85 paiyzyna deiingi kórsetkish kirip otyr.
Bloomberg sondai-aq shyǵarylǵan vaktsinalardyń birkelki úlestirilmegenin de atap ótýde. «Tabys deńgeii eń joǵary elderde vaktsinalaý tabysy eń tómen deńgeii bar elderge qaraǵanda 25 ese jyldam ótýde.
Ǵalamshar turǵyndarynyń 11,1 paiyzy turatyn eń bai 27 memlekettiń úlesi 39,3 paiyzdy (COVID-19 virýsyna qarsy egilgender) qurap otyr.
Sondai-aq koronavirýsqa qarsy eń kóp ekpe salynǵan elder arasynda AQSh eli kósh bastaýda – munda 187 mln vaktsina dozasy egilgen, ótken aptada ortasha eseppen alǵanda kúnine 3,14 mln dozadan bolǵan, dep jazady Bloomberg. Osyndai qarqyn saqtalǵan jaǵdaida, elde nebári úsh aidan keiin turǵyndardyń 75 paiyzyna vaktsina salynady.
Aita ketsek, birinshi «úshtikke» Qytai (164,5 mln ekpe) jáne Úndistan (104,4 mln) kirdi.
