COVID-19-dyń simptomsyz túrine shaldyqqandar koronavirýspen aýyrǵandardan álde qaida qaýipti. Mundai pikirdi meditsina ǵylymdarynyń doktory, epidemiolog Sáken Ámireev bildirdi, dep habarlaidy QazAqparat.
«Qazaqstanda jáne kórshi elderde ahýaldyń turaqtalǵany baiqalady. Alaida, bul eshqandai problema joq degendi bildirmeidi. Buǵan karantin sharalarynyń arqasynda qol jetkizilip otyr. Degenmen, karantin sharalaryn sál ǵana bosańdatsa, birden ýshyǵyp ketedi. Sondyqtan bosańsýǵa bolmaidy. Koronavirýsqa qatysty aita keter taǵy bir jait, adamdardyń 70 paiyzy onyń simptomsyz túrin bastan keshiredi. Osyǵan bailanysty kópshilik simptomsyz ótkeni jaqsy dep oilaidy. Jaqsy eshteńesi joq. Bul adamdar ózgelerge juqtyrady. Olardyń ózderi aýyrmaǵanymen koronavirýsqa shaldyqqandarǵa qaraǵanda álde qaida qaýipti», - dedi S.Ámireev.
Onyń túsindirýinshe, koronavirýstyń simptomdy túrimen aýyrǵan adamdar oqshaýlanyp, emdeledi. Al virýstyń simptomsyz túrin juqtyrǵandar test tapsyrmastan emin-erkin júre beredi. Sol arqyly ol ailasyndaǵy deni saý adamdarǵa virýs juqtyrady.
