Britan biligi jeltoqsanda jappai vaktsinalaýdy bastaýdy josparlap otyr, oǵan 150 mln fýnt qarajat bólmek, Braziliia qytailyq vaktsinany synaqtan ótkizýdi toqtatty, Livanda qaitadan lokdaýn engizilýde, daniialyq bilik barlyq kúzendi joiýdy talap etýge quqyǵy joq ekenin moiyndady. Bul týraly VVS agenttigi habarlady.
Britan biligi el turǵyndaryn jappai vatsinalaýǵa emhanalarǵa 150 mln fýnt qarjy (200 mln AQSh dollaryna jýyq) bóledi. Ol jeltoqsan aiynda bastalýy múmkin. Bul týraly eldiń ishki ister ministri Mett Henkok habarlady.
Bir kún buryn, aldyn ala nátijelerge sáikes, Pfizer jáne BioNTech kompaniialary jasaǵan vaktsina koronavirýstan 90% qorǵaityny belgili boldy. Bul – testileýdiń sońǵy kezeńindegi 11 vaktsinanyń biri. Ulybritaniia osy vaktsinanyń 40 million dozasyna tapsyrys berdi.
Ministr VVS-ge bergen suhbatynda vaktsinatsiia eń aldymen qarttar úiinde bolatynyn, sondai-aq osy maqsatta sport zaldary siiaqty iri ortalyqtar men demalyssyz jumys isteitin emhanalar qoldanylatynyn aitty.
Braziliia biligi qytailyq Coronavac vaktsinasyn klinikalyq synaqtan ótkizýdi toqtatty. Muny eriktilerdegi aýyr janama áserlerdiń bolýymen túsindirdi.
Senbide Livanda eki aptaǵa jańa lokdaýn engizildi, onyń kómegimen bilik koronavirýstyń taralýyn toqtatady dep úmittenedi. Livan Úkimeti basshysynyń aitýynsha, el qaýipti jolaqqa jaqyndady. El turǵyndaryna úndeý kezinde premer-ministrdiń mindetin atqarýshy Hasan Diab «Jeke jáne memlekettik aýrýhanalar endi aýyr naýqastardy qabyldai almaidy», - dedi.
Pandemiia bastalǵannan beri elde 95 myńnan astam koronavirýs juqtyrý jaǵdaiy tirkeldi, 732 adam qaitys boldy.
Daniia biligi qarakúzenderde koronavirýstyń mýtatsiialyq shtammy anyqtalǵanymen fermalardaǵy barlyq qarakúzendi jappai qyryp-joiý týraly ókim berýge zańdy negizderi joq ekenin moiyndady.
Fermerler bul janýarlarda aýrý juqtyrýdyń alǵashqy jaǵdailary anyqtalǵannan keiin qazan aiynyń sońynda qarakúzenderdi joiýdy bastaǵan bolatyn.
Daniia qarakúzen terisin óńdeýshi iri memleketterdiń biri.
Italiiada koronavirýstyń taralýyna bailanysty taǵy tórt aimaqqa «qyzǵylt sary» nemese «qyzyl» mártebe berilýi múmkin. Bul Kampaniia, Emiliia-Romania, Veneto jáne Friýli-Venetsiia-Djýliia. Toskana, Ýmbriia, Bazilikata, Ligýriia jáne Abrýtstso «qyzǵylt sary» mártebege ie bolady. Sársenbiden bastap meiramhanalar tolyǵymen jabylady, al aimaqtardyń turǵyndary ózderi turatyn qaladan kete almaidy.
Bilik búkil el boiynsha lokdaýndy engizý múmkindigin talqylaýda jáne bul týraly sheshim 15 qarashada qabyldanýy múmkin. Seisenbide Italiiada 35 myńnan astam koronavirýs juqtyrýdyń jańa jaǵdaiy anyqtaldy, 580 adam qaitys bolǵan.
