Chernogoriia Eýropada COVID-19 virýsynan emdelip jatqan naýqasy joq alǵashqy memleket atandy. Bul týraly jeksenbi keshke eldiń qoǵamdyq densaýlyq institýty habarlady.
Elde alǵashqy naýqas Eýropanyń ózge elderine qaraǵanda keshteý - 17 naýryzda tirkelgen. Eki aidan asa ýaqyt ishinde elde 324 adam virýs juqtyrǵan. Onyń toǵyzy qaitys bolyp, 315 adam jazylyp shyqqan. Virýs juqtyrǵan eń sońǵy naýqas 24 mamyrda jazylyp shyqty. Elde eki aptadan beri virýs juqtyrǵan jańa jaǵdai tirkelmegen.
Institýt ókiliniń habarlaýynsha, eger virýsty jańadan juqtyrǵandar 28 kúnge deiin tirkelmese, epidemiiany aiaqtaldy deýge bolady.
Chernogoriia Eýropanyń Ońtústik-Shyǵysynda ornalasqan 630 myńǵa jýyq halqy bar memleket.
Buǵan deiin Dat koroldigine qarasty Farer araldarynyń biligi de ózderinde virýs juqtyrǵandardyń múldem joǵyn málimdegen. Araldarda virýs juqtyrǵan 187 adamnyń barlyǵy jazylyp, bir de bir adam qaitys bolmaǵan. Frantsýz Polineziiasy men Jańa Kaledoniia eldi-mekenderinde de virýstan qaitys bolǵandar joq.
