چەرنوگورييا ەۋروپادا COVID-19 ۆيرۋسىنان ەمدەلٸپ جاتقان ناۋقاسى جوق العاشقى مەملەكەت اتاندى. بۇل تۋرالى جەكسەنبٸ كەشكە ەلدٸڭ قوعامدىق دەنساۋلىق ينستيتۋتى حابارلادى.
ەلدە العاشقى ناۋقاس ەۋروپانىڭ ٶزگە ەلدەرٸنە قاراعاندا كەشتەۋ - 17 ناۋرىزدا تٸركەلگەن. ەكٸ ايدان اسا ۋاقىت ٸشٸندە ەلدە 324 ادام ۆيرۋس جۇقتىرعان. ونىڭ توعىزى قايتىس بولىپ, 315 ادام جازىلىپ شىققان. ۆيرۋس جۇقتىرعان ەڭ سوڭعى ناۋقاس 24 مامىردا جازىلىپ شىقتى. ەلدە ەكٸ اپتادان بەرٸ ۆيرۋس جۇقتىرعان جاڭا جاعداي تٸركەلمەگەن.
ينستيتۋت ٶكٸلٸنٸڭ حابارلاۋىنشا, ەگەر ۆيرۋستى جاڭادان جۇقتىرعاندار 28 كٷنگە دەيٸن تٸركەلمەسە, ەپيدەمييانى اياقتالدى دەۋگە بولادى.
چەرنوگورييا ەۋروپانىڭ وڭتٷستٸك-شىعىسىندا ورنالاسقان 630 مىڭعا جۋىق حالقى بار مەملەكەت.
بۇعان دەيٸن دات كورولدٸگٸنە قاراستى فارەر ارالدارىنىڭ بيلٸگٸ دە ٶزدەرٸندە ۆيرۋس جۇقتىرعانداردىڭ مٷلدەم جوعىن مەلٸمدەگەن. ارالداردا ۆيرۋس جۇقتىرعان 187 ادامنىڭ بارلىعى جازىلىپ, بٸر دە بٸر ادام قايتىس بولماعان. فرانتسۋز پولينەزيياسى مەن جاڭا كالەدونييا ەلدٸ-مەكەندەرٸندە دە ۆيرۋستان قايتىس بولعاندار جوق.
