Chehiiaǵa tornado qaita tónip, soltústik-batystaǵy aýyldyń tas-talqanyn shyǵardy. Zardap shekkender joq. Alaida, materialdyq shyǵyn ondaǵan million eýroǵa baǵalanyp otyr. Bul týraly Euronews habarlady.
Chehiianyń ońtústik-shyǵysynda ornalasqan Ońtústik Moraviiaǵa soqqan alǵashqy tornado birneshe eldi mekendegi úilerdi qiratqan bolatyn. Kem degende 300-ge jýyq adam zardap shekti. Qaza bolǵandar sany 5 adamǵa deiin artty.
Al juma kúni kúshi sál álsizdeý tornado Chehiianyń soltústik-batysyndaǵy aýylǵa soqty.
Qazir Ońtústik Moraviiada 7 eldi mekende izdestirý-qutqarý operatsiiasy júrgizilýde.
Sinoptikterdiń málimetinshe, tornado kúshi 5 baldyq deńgeidiń 3-inshi nemese 4-inshi deńgeiine jetti. Onyń arty tennis dobynyń kólemindei burshaqqa ulasty. Bir otbasylar baspanadan aiyrylsa, biriniń úii jaryqtan ajyraǵan. Zardap shekken aýdandarǵa gýmanitarlyq kómek jóneltilýde.
