Chehiianyń ońtústik-shyǵysynda Slovakiia men Avstriianyń shekarasyna jaqyn jerde qatty tornado bolyp, birneshe eldi mekendegi úiler qirap qaldy. Tabiǵi apattan kem degende 300-ge jýyq adam zardap shekti, dep habarlaidy "Ult aqparat" BBC-ge silteme jasap.
Oqiǵa bolǵan aýmaqta qutqarýshylar zardap shekkenderge shuǵyl kómek kórsetip, úiindiler asynan adamdardy izdestirýde.
Zardap shekken aýdandarda tótenshe jaǵdai jariialandy.
«267-322 km/saǵ. jyldamdyqpen soqqan jel Chehiianyń Godonin qalasynyń bir bóligi men jaqyn mańdaǵy aýyldar – Lýjitse, Grýshki, Moravska Nova Ves jáne Mikýlchitsendi qiratqan. Ókinishke orai, qurbandar bar ekenin rastaimyz, alaida olardyń naqty sanyn atai almaimyn», - dedi jýrnalisterge jedel járdem qyzmetiniń ókili Gedvik Kropachkov.
Chehiianyń IIM men Densaýlyq saqtaý ministrliginiń derekterine qaraǵanda, 300-ge jýyq adam zardap shekken.
Jelide taraǵan aqparattarǵa qaraǵanda, keibir aýyl úileriniń shatyry ushqan, jel avtokólikterdi aýdaryp, aǵashtardy tamyrymen julyp áketken. Ǵimarattarǵa 10 santimetrlik burshaq jaýǵan.
Chehiiada barlyǵy 120 myń úi elektr jaryqsyz qalǵan.
