Chehiia úkimeti Reseiden 2014 jyly áskeri qoimada bolǵan jarylys úshin ótemaqy talap etti. Vrbetitse qalasynda bolǵan jarylys kezinde eki cheh azamaty qaitys bolǵan.
Surap otyrǵan ótemaqy kólemi - 25 million eýro.
Chehiianyń syrtqy ister ministriniń orynbasary Martin Smolek dúisenbi kúni Pragadaǵy Resei elshisi Aleksandr Zmeevskiige ótemaqyny tolyq tóleýdi talap etken diplomatiialyq nota joldady.
Bul jóninde dúisenbi kúni "Mlada fronta dnes" gazeti habarlady.
Ótemaqynyń jarty somasy jarylys bolǵan aimaqtyń biýdjetine, ekinshi jartysy qaitys bolǵan azamattardyń otbasyna beriledi delingen.
2014 jyly bolǵan jarylysqa tikelei Resei arnaiy qyzmetiniń qatysy bar ekenin Chehiia biligi biyl sáýir aiynda málimdegen.
Oǵan kináli retinde Reseidiń eki azamatyna izdeý jariialandy. Olar — Aleksandr Petrov pen Rýslan Boshirov.
Atalǵan eki azamatqa Ulybritaniiada da izdeý jariialanǵan. 2018 jyldyń naýryz aiynda Petrov pen Boshirov Angliiada Reseidiń burynǵy barlaý qyzmetiniń ókili Sergei Skripal men onyń qyzy Iýliiaǵa qastandyq jasaǵan.
