چەحييا ٷكٸمەتٸ رەسەيدەن 2014 جىلى ەسكەري قويمادا بولعان جارىلىس ٷشٸن ٶتەماقى تالاپ ەتتٸ. ۆربەتيتسە قالاسىندا بولعان جارىلىس كەزٸندە ەكٸ چەح ازاماتى قايتىس بولعان.
سۇراپ وتىرعان ٶتەماقى كٶلەمٸ - 25 ميلليون ەۋرو.
چەحييانىڭ سىرتقى ٸستەر مينيسترٸنٸڭ ورىنباسارى مارتين سمولەك دٷيسەنبٸ كٷنٸ پراگاداعى رەسەي ەلشٸسٸ الەكساندر زمەەۆسكييگە ٶتەماقىنى تولىق تٶلەۋدٸ تالاپ ەتكەن ديپلوماتييالىق نوتا جولدادى.
بۇل جٶنٸندە دٷيسەنبٸ كٷنٸ "ملادا فرونتا دنەس" گازەتٸ حابارلادى.
ٶتەماقىنىڭ جارتى سوماسى جارىلىس بولعان ايماقتىڭ بيۋدجەتٸنە, ەكٸنشٸ جارتىسى قايتىس بولعان ازاماتتاردىڭ وتباسىنا بەرٸلەدٸ دەلٸنگەن.
2014 جىلى بولعان جارىلىسقا تٸكەلەي رەسەي ارنايى قىزمەتٸنٸڭ قاتىسى بار ەكەنٸن چەحييا بيلٸگٸ بيىل سەۋٸر ايىندا مەلٸمدەگەن.
وعان كٸنەلٸ رەتٸندە رەسەيدٸڭ ەكٸ ازاماتىنا ٸزدەۋ جارييالاندى. ولار — الەكساندر پەتروۆ پەن رۋسلان بوشيروۆ.
اتالعان ەكٸ ازاماتقا ۇلىبريتانييادا دا ٸزدەۋ جارييالانعان. 2018 جىلدىڭ ناۋرىز ايىندا پەتروۆ پەن بوشيروۆ انگلييادا رەسەيدٸڭ بۇرىنعى بارلاۋ قىزمەتٸنٸڭ ٶكٸلٸ سەرگەي سكريپال مەن ونىڭ قىزى يۋليياعا قاستاندىق جاساعان.
