«Azamattyq baqylaý – chek talap et» jyl saiynǵy aktsiiasy 12 mamyrdan bastap ótýde. Osy aktsiia aiasynda azamattar fiskaldyq chektiń berilmeýi nemese bank kartasyn qabyldaýdan bas tartý buzýshylyqtary týraly habarlaýyna bolady, dep jazady "Ult aqparat".
Memlekettik kirister komitetiniń málimdeýinshe, «Azamattyq baqylaý – chek talap et» aktsiiasyna kez kelgen azamat qatysa alady. Barlyq jiberilgen aryzdar memlekettik kirister organdarynda qaralady.
Fiskaldyq chektiń berilmeýi nemese bank kartasyn qabyldaýdan bas tartý buzýshylyq faktileri týraly App Store jáne Play market-ten «Wipon» aqysyz mobildi qosymshasyn júktep habarlaýǵa jáne buzýshylyq faktisi rastalǵan jaǵdaida telefon shotyna (1000 teńge) syiaqy alýǵa bolady.
Aǵymdaǵy jyly aktsiia bastalǵaly azamattardyń habarlamalary boiynsha 3 000 buzýshylyq faktisi rastaldy jáne 3 mln. teńge somaǵa syiaqy tólendi (onyń ishinde qaita buzýshylyq jasaǵan 90 kásipker 2,6 mln. teńge aiyppul tóleýge tartyldy).
Memlekettik kirister komiteti Qazaqstan Respýblikasynyń barlyq azamattaryn ózderiniń azamattyq ustanymyn bildirýge, zań buzýǵa múldem tózbeýshilik kórsetýge jáne «Azamattyq baqylaý – chek talap et» aktsiiasyna belsendi qatýsyǵa shaqyrady.
