Bali áýejaiynda 25 jastaǵy Qazaqstan azamatynyń júginen 1 keliden astam kúmándi gashish tabyldy. Áiel esirtkini basqa adamnyń ótinishimen jetkizgenin aitqan, dep habarlaidy ult.kz.
Indoneziianyń Bali aralynda Qazaqstan azamaty esirtki tasymaldady degen kúdikpen ustaldy. Bul týraly jergilikti The Bali Times basylymy habarlady.
Bali provintsiiasynyń Ulttyq esirtkige qarsy kúres agenttiginiń (BNNP Bali) málimetinshe, ustalǵan áieldiń aty-jóni ázirge VM degen initsialdarmen ǵana jariialanǵan. Ol 4 tamyzda Bangkoktan Denpasarǵa kelgen reisti tekserý kezinde qolǵa túsken.
Tintý barysynda onyń chemodanynan salmaǵy 1,079 keli bolatyn kúmándi zat tabylǵan. Agenttik málimetinshe, zat kiimder men aksessýarlardyń arasyna jasyrylǵan plastik konteinerdiń ishinen shyqqan.
Tergeý kezinde kúdikti chemodandy Qazaqstannan kelgen basqa áieldiń bergenin aitqan. Onyń sózinshe, Balige barǵannan keiin júkti belgisiz adamǵa tapsyrýy kerek bolǵan.
Alaida tergeýshiler áiel kórsetken deldaldyń 2020 jyly Indoneziiadan ketip qalǵanyn anyqtaǵan. Qazir onyń Qazaqstandaǵy bailanystary jáne esirtki tasymalyna qatysy bolýy múmkin ózge de adamdar tekserilip jatyr.
Qazaqstan azamaty kúdikti retinde qamaýǵa alynyp, BNNP Bali keńsesinde ustalyp otyr. Oǵan Indoneziianyń 2009 jylǵy №35 «Esirtki zattary týraly» zańynyń 111-baby 1-tarmaǵy boiynsha aiyp taǵylǵan. Bul bap 4 jyldan 12 jylǵa deiin bas bostandyǵynan aiyrýdy kózdeidi.
Tergeý jalǵasyp jatyr.
