Semei qalasynda aspandaǵy jarqyl turǵyndardyń úreiin týǵyzdy, dep habarlaidy "Ult aqparat".
Shahar turǵyndary áleýmettik jelilerde taraǵan videony qyzý talqyǵa salýda. 23 qarashada túngi saǵat 02.20-da túsirilgen videoda kórinetindei, aspan kenetten jarq etti de sodan keiin birneshe sekýndqa barlyq páterlerdegi jaryq shamdary sónip qaldy.
Belgili bolǵandai, Znamenskaia tasjolynyń boiyndaǵy qalaǵa jaqyn ornalasqan 18 shaǵyn stantsiiada qysqa tuiyqtalý bolǵan.
«35 kV-tyq elektr taratý jelisindegi qysqa tuiyqtalý saldarynan aspanda doǵa tárizdi kórinis paida boldy. Zardap shekken eshkim joq. Qazir shaǵyn stantsiia jumys istep tur», - dep túsindirdi «Kegok» AQ «Semei aýmaqtyq elektr jelileri» filialynyń mamandary.
Qazirgi ýaqytta mamandar qysqa tuiyqtalýdyń sebebin anyqtaýda.
