سەمەي قالاسىندا اسپانداعى جارقىل تۇرعىنداردىڭ ٷرەيٸن تۋعىزدى, دەپ حابارلايدى "ۇلت اقپارات".
شاھار تۇرعىندارى ەلەۋمەتتٸك جەلٸلەردە تاراعان ۆيدەونى قىزۋ تالقىعا سالۋدا. 23 قاراشادا تٷنگٸ ساعات 02.20-دا تٷسٸرٸلگەن ۆيدەودا كٶرٸنەتٸندەي, اسپان كەنەتتەن جارق ەتتٸ دە سودان كەيٸن بٸرنەشە سەكۋندقا بارلىق پەتەرلەردەگٸ جارىق شامدارى سٶنٸپ قالدى.
بەلگٸلٸ بولعانداي, زنامەنسكايا تاسجولىنىڭ بويىنداعى قالاعا جاقىن ورنالاسقان 18 شاعىن ستانتسييادا قىسقا تۇيىقتالۋ بولعان.
«35 كۆ-تىق ەلەكتر تاراتۋ جەلٸسٸندەگٸ قىسقا تۇيىقتالۋ سالدارىنان اسپاندا دوعا تەرٸزدٸ كٶرٸنٸس پايدا بولدى. زارداپ شەككەن ەشكٸم جوق. قازٸر شاعىن ستانتسييا جۇمىس ٸستەپ تۇر», - دەپ تٷسٸندٸردٸ «كەگوك» اق «سەمەي اۋماقتىق ەلەكتر جەلٸلەرٸ» فيليالىنىڭ ماماندارى.
قازٸرگٸ ۋاقىتتا ماماندار قىسقا تۇيىقتالۋدىڭ سەبەبٸن انىقتاۋدا.
