Foto: ashyq derekkóz
CBS News dereginshe, Iranda ótken jappai narazylyqtar barysynda keminde 12 myń adam qaza tapqan. Telearna óz derekkózderine silteme jasap, qurbandar sany 20 myń adamǵa deiin jetýi múmkin ekenin habarlaidy.
Arna atap ótkendei, 13 qańtarda Irannan syrtqa shyqqan aqparat bilik pen qaýipsizdik kúshteriniń eki aptadan astam ýaqytqa sozylǵan úkimetke qarsy narazylyqtardy basý kezinde buǵan deiin sheteldegi belsendiler habarlaǵannan áldeqaida qandy repressiia júrgizgenin kórsetedi.
Al Iran biligi narazylyqtar kezinde shamamen 2 myń adam qaza tapqanyn alǵash ret moiyndady. Iranda eki aptaǵa sozylǵan jalpyulttyq narazylyqtar barysynda qaýipsizdik kúshteriniń qyzmetkerlerin qosa alǵanda, shamamen 2 myń adam qaza tapty. Bul týraly irandyq sheneýnik Reuters agenttigine bergen suhbatynda málimdedi.
Onyń aitýynsha, narazylyq bildirýshiler men kúshtik qurylym ókilderiniń qazasyna ózi «terrorister» dep ataǵan adamdar kináli. Bul — Iran biliginiń jappai tolqýlardy basý kezinde osynshama kóp qurban bolǵanyn resmi túrde alǵash ret moiyndaýy.
