فوتو: اشىق دەرەككٶز
CBS News دەرەگٸنشە, يراندا ٶتكەن جاپپاي نارازىلىقتار بارىسىندا كەمٸندە 12 مىڭ ادام قازا تاپقان. تەلەارنا ٶز دەرەككٶزدەرٸنە سٸلتەمە جاساپ, قۇرباندار سانى 20 مىڭ ادامعا دەيٸن جەتۋٸ مٷمكٸن ەكەنٸن حابارلايدى.
ارنا اتاپ ٶتكەندەي, 13 قاڭتاردا يراننان سىرتقا شىققان اقپارات بيلٸك پەن قاۋٸپسٸزدٸك كٷشتەرٸنٸڭ ەكٸ اپتادان استام ۋاقىتقا سوزىلعان ٷكٸمەتكە قارسى نارازىلىقتاردى باسۋ كەزٸندە بۇعان دەيٸن شەتەلدەگٸ بەلسەندٸلەر حابارلاعاننان ەلدەقايدا قاندى رەپرەسسييا جٷرگٸزگەنٸن كٶرسەتەدٸ.
ال يران بيلٸگٸ نارازىلىقتار كەزٸندە شامامەن 2 مىڭ ادام قازا تاپقانىن العاش رەت مويىندادى. يراندا ەكٸ اپتاعا سوزىلعان جالپىۇلتتىق نارازىلىقتار بارىسىندا قاۋٸپسٸزدٸك كٷشتەرٸنٸڭ قىزمەتكەرلەرٸن قوسا العاندا, شامامەن 2 مىڭ ادام قازا تاپتى. بۇل تۋرالى يراندىق شەنەۋنٸك Reuters اگەنتتٸگٸنە بەرگەن سۇحباتىندا مەلٸمدەدٸ.
ونىڭ ايتۋىنشا, نارازىلىق بٸلدٸرۋشٸلەر مەن كٷشتٸك قۇرىلىم ٶكٸلدەرٸنٸڭ قازاسىنا ٶزٸ «تەرروريستەر» دەپ اتاعان ادامدار كٸنەلٸ. بۇل — يران بيلٸگٸنٸڭ جاپپاي تولقۋلاردى باسۋ كەزٸندە وسىنشاما كٶپ قۇربان بولعانىن رەسمي تٷردە العاش رەت مويىنداۋى.
