CberBank Qazaqstan («Sberbank» AQ EB) óz jumysyn shtattyq tártipte jalǵastyrady jáne klientteri men seriktesteriniń aldyndaǵy mindettemelerin oryndaidy. Klientter (jeke jáne zańdy tulǵalar) qarajattary men servisterge burynǵydai tolyq kólemde qol jetkize alady. Sondai-aq klientter teńgede jáne shetel valiýtasynda esep júrgizip, aqsha aýdarymdaryn jasai alady, dep habarlaidy QazAqparat.
Búginde jeke tulǵalar úshin shottardan aqsha alý, tolyqtyrý, taýarlar men qyzmet aqysyn tóleý, ulttyq jáne shetel valiýtasynda aqsha aýdarý, valiýta aiyrbastaý operatsiialary qoljetimdi.
VISA jáne MasterCard-ty qosqanda, barlyq tólem júieleriniń plastikalyq kartalary boiynsha jasalatyn operatsiialar ádettegidei júrgiziledi.
Klientter SberBank qyzmetin bólimshelerde, sondai-aq Sber KZ jáne SberBiznes mobildi qosymshalarynda onlain túrde jáne basqa da qyzmet kórsetý kanaldary arqyly ala alady.
Esterińizge salsaq, «Sberbank» AQ EB depozitterdi mindetti túrde kepildendirý júiesiniń qatysýshysy bolyp tabylady. Salymshylardyń jinaq aqshasyn Qazaqstannyń depozitterge kepildik berý qory saqtandyrady.
Depozitter, aǵymdaǵy shottardaǵy jáne tólem kartalaryndaǵy aqsha kepildendirilýi tiis.
Sonymen qatar ótinimi maquldanǵan klientter nesie ala alady.
CberBank Qazaqstan – júielik mańyzy bar ekinshi deńgeidegi bank, onyń kóp jyldar boiǵy jumysy senimdiligin rastap keledi.
Qazirde SberBank barlyq negizgi kórsetkishter boiynsha kóshbasshylyq pozitsiiasyn ustap tur ári Qazaqstandaǵy ekinshi deńgeidegi bankterdiń arasynda aktivterdiń kólemi boiynsha ekinshi orynda.
«Sberbank» AQ EB qazaqstandyq bank jáne Qazaqstan Respýblikasy zańnamasynyń aiasynda qyzmet etedi, oryn alǵan geopolitikalyq jaǵdaida qalypty jumys isteý úshin barlyq qajetti resýrstary, tájiribesi men saraptamasy bar.
SberBanktiń klientteri taýarlar men qyzmet aqysyn ózderiniń, sondai-aq seriktestik tólem servisteriniń kómegimen erkin tóleýdi jalǵastyrýda.
Olardyń barlyǵy shtattyq tártipte, kedergisiz jumys jasap tur.
Sonymen birge operatsiialardy Apple Pay, Google Pay, Samsung Pay jáne SberPay arqyly júrgizýge bolady.
Bank aqparatty tekserýge jáne tek resmi derek kózderine senýge shaqyrady. SberBank barlyq ózgerister týraly banktiń resmi kanaldary arqyly habarlap otyrady.
