Foto: elements.envato.com
Qazgidromet sinoptikteri sáýirge arnalǵan aýa raiy boljamyn jariialady, - dep habarlaidy "Ult aqparat".
Sinoptikter málimetinshe, sáýirde kún uzaqtyǵy artady, odan ári kún jylynady. Qazaqstannyń soltústiginde sáýirdiń birinshi onkúndiginde ortasha táýliktegi aýa temperatýrasy 0 gradýs, al elimizdiń ońtústiginde +10 gradýs turaqty oń mánderge aýysatyny baiqalady. Sáýirde aýmaqtyń kóp bóliginde qar eridi.
Bir ai ishinde respýblika aýmaǵynda barikalyq túzilim aýysýyna bailanysty jyly, ashyq kúnder de, salqyn, bultty kúnder de bolady. Kaspiidiń ońtústiginen jáne Reseidiń eýropalyq aýmaǵynan tsiklondar shyǵýyna bailanysty keibir kúnderi jańbyr, ekpindi jel, Qazaqstannyń ońtústiginde naizaǵai, shańdy daýylmen aýa raiy turaqsyz sipatta bolady.
"Sáýirdiń birinshi onkúndiginiń basynda elimizdiń batysynda jáne ońtústik jartysynda (ońtústiktiń taýly aimaqtarynda jańbyr ylǵaldy qarǵa aýysýy múmkin), onkúndiktiń ortasynda Qazaqstannyń basym bóliginde jańbyr jaýady dep boljanyp otyr. Ońtústik aimaqtarda túngi saǵattarda 1-6 gradýsqa deiin úsik kútiledi", - delingen habarlamada.
Aýa temperatýrasy birtindep joǵarylaidy:
QR batysynda túnde 0,+10 gradýstan +7+17 gradýsqa deiin, kúndiz +7+15 gradýstan +17+28 gradýsqa deiin;
elimizdiń ońtústiginde jáne ońtústik-shyǵysynda túnde -6+5 gradýstan +5+12 gradýsqa deiin, kúndiz +5+15 gradýstan +20+28 gradýsqa deiin;
elimizdiń shyǵysynda túnde -7-20 gradýstan 0,-5 gradýsqa deiin, kúndiz 0,-5 gradýstan +8+13 gradýsqa deiin.
Respýblikanyń soltústiginde, ortalyǵynda barikalyq túzilimder jii ózgerýine bailanysty aýa temperatýrasy aýytqýy boljanady:
túnde -5-10 gradýstan 0,+5 gradýsqa deiin, kúndiz +3+10 gradýstan +10+18 gradýsqa deiin.
Sáýirdiń ekinshi jáne úshinshi onkúndikterinde Iran men Orta Aziia aýdandarynan jyly aýa massalary enýine bailanysty temperatýralyq fon joǵarylaýy múmkin:
elimizdiń soltústiginde, ortalyǵynda jáne shyǵysynda túnde +5+13 gradýs, kúndiz +15+25 gradýsqa deiin;
ońtústik óńirlerde jáne QR batysynda túnde +10+17 gradýs, kúndiz +25 +35 gradýsqa deiin.
Respýblikanyń soltústik, ortalyq jáne shyǵys aimaqtarynda Resei aýmaǵynan sýyq aýa massalary enýi kezinde termometr baǵandary túnde -2-7 gradýsqa deiin, kúndiz +6+13 gradýsqa deiin, ońtústik óńirlerde jáne elimizdiń batysynda aýa temperatýrasynyń túnde -2+7 gradýsqa deiin, kúndiz +10+18 gradýsqa deiin tómendeýi múmkin.
