Memleket basshysy Qasym-Jomart Toqaev Almaty qalasynyń ákimi Baqytjan Saǵyntaevty qabyldady, dep habarlaidy "Ult aqparat" Aqordaǵa silteme jasap.
Prezidentke Almaty qalasynyń epidemiologiialyq jaǵdaiy jáne koronavirýs indetiniń bolýy yqtimal ekinshi tolqynyna daiyndyq jumystary týraly baiandaldy.
Memleket basshysyna qala turǵyndaryn jumyspen qamtý jáne «Jumyspen qamtýdyń jol kartasy» baǵdarlamasy aiasynda áleýmettik az qamtylǵan azamattarǵa kómek kórsetý týraly aqparat berildi.
Qasym-Jomart Toqaev Prezidenttiń Qazaqstan halqyna Joldaýyndaǵy mindettemelerdiń tolyq ári buljytpai oryndalýy kerek ekenin atap ótti. Memleket basshysy áleýmettik jobalardy júzege asyrýǵa, shaǵyn jáne orta kásipkerlikti qoldaýǵa basa mán berýdi tapsyrdy.
