«BJZQ» AQ zeinetkerlik jasqa (erler – 63 jas jáne odan joǵary, áielder – 2020 jyly 59,5 jas jáne odan joǵary) jetkenderge, zeinetaqy jinaǵy bar jáne zeinetaqy tólemin alýǵa ótinish bildirmegenderge qordan zeinetaqy tólemin alýǵa quqyly ekendigin málim etti, dep habarlaidy "Ult aqparat".
Qordyń málimetinshe, ásirese 2020 jyly 59,5 jasqa tolǵan áielder zeinetaqy taǵaiyndaýǵa jyl sońyna deiin ótinish bermese muny kelesi jyly tek 60 jasqa tolǵannan keiin ǵana rásimdei alady.
QR «Qazaqstan Respýblikasynda zeinetaqymen qamsyzdandyrý týraly» Zańyna sáikes áielderdiń zeinetke shyǵý jasy jyl saiyn jarty jylǵa ulǵaiyp, 2027 jyly erlermen teńesetini belgili.
Esterińizge sala keteiik, BJZQ-dan zeinetaqy tólemin alýshy ótinish bergen kúnnen bastap belgilenedi jáne zeinetaqy jinaǵy taýsylǵanǵa deiin júzege asyrylady. Zeinetkerlik jasqa tolýyna bailanysty biryńǵai ótinish berý úshin Memlekettik korporatsiianyń jumys kestesine sáikes «Azamattarǵa arnalǵan úkimet» memlekettik korporatsiiasy» KEAQ-qa ózińizge yńǵaily ýaqytta júginý qajet. Zeinetaqy tólemin taǵaiyndaý týraly ótinishti zeinetkerlik jasqa tolǵanǵa deiingi 10 kún ishinde berýge bolady.
Biryńǵai ótinish negizinde alýshyǵa memlekettik kepildik (infliatsiia deńgeiin eskere otyryp, naqty engizilgen mindetti zeinetaqy jarnalarynyń, mindetti kásiptik zeinetaqy jarnalarynyń somasy men zeinetaqy jinaqtarynyń somasy arasyndaǵy aiyrma) tóleý boiynsha belsendi qyzmet te kórsetiledi.
BJZQ alýshylardyń Qazaqstan Respýblikasy zańnamasynyń erejelerine sáikes eseptelgen zeinetaqy tólemderiniń somasyn memlekettik korporatsiiaǵa aýdarady.
Ai saiynǵy zeinetaqy tóleminiń mólsheri Qazaqstan Respýblikasy Úkimetiniń 2013 jylǵy № 1042 qaýlysymen bekitilgen Zeinetaqy tólemderiniń mólsherin esepteýdi júzege asyrý ádistemesine sáikes eseptelgen zeinetaqy tólemderiniń jyldyq somasynyń on ekiden bir bóligi retinde aiqyndalady.
Bul rette ai saiynǵy zeinetaqy tóleminiń eseptelgen mólsheriniń tólemi respýblikalyq biýdjet týraly zańda tiisti qarjy jylyna belgilengen eń tómen kúnkóris deńgeiiniń 54 paiyzynan kem emes mólsherde júzege asyrylady (01.04.2020 j. bastap – 17 640,72 teńge = 54% * 32 668).
Eger ótinish berilgen kúngi zeinetaqy jinaǵynyń somasy tiisti qarjy jylyna arnalǵan respýblikalyq biýdjet týraly zańda belgilengen eń tómen zeinetaqynyń on eki eselengen mólsherinen aspaityn bolsa, bul soma alýshyǵa BJZQ-dan bir ret birjola tólenedi (01.04.2020 j. bastap bul soma 485 292 teńgege teń = 12 * 40 441).
Eger kezekti ai saiynǵy tólem júzege asyrylǵannan keiin alýshynyń JZSh-ǵy zeinetaqy jinaqtarynyń qaldyǵy tiisti qarjy jylyna arnalǵan respýblikalyq biýdjet týraly zańda belgilengen eń tómen kúnkóris deńgeiiniń 54 paiyzynan kem somany qurasa, bul qaldyq kezekti tólemniń somasymen birge tólenedi.
Memlekettik korporatsiia BJZQ-dan biýdjet qarajaty jáne zeinetaqy jinaǵy esebinen tólemderdi alýshynyń ótinishte kórsetilgen bank shotynyń birine bir kún ishinde júzege asyrady.
BJZQ-dan zeinetaqy jinaqtarynyń tólemi qazir mynadai jaǵdaida:
Qazaqstan Respýblikasynan tys jerlerge turaqty turýǵa ketkende;
merzimsiz ýaqytqa I nemese II toptaǵy múgedektik belgilengende;
jerleý jáne muragerlik;
erikti zeinetaqy jarnasy esebinen – elý jasqa tolǵanda, sondai-aq, múgedektik belgilengende júzege asyrylady.
