Biryńǵai jinaqtaýshy zeinetaqy qory salymshylar alaiaqtardyń fishingtik shabýyldaryna ushyrap jatqanyn aitty, dep habarlaidy "Ult aqparat".
«BJZQ» AQ baspasóz qyzmetiniń ortalyǵynyń habarlaýynsha, alaiaqtar jiberetin hattarda kúdik týdyratyn saittarǵa siltemeler tirkelip, zeinetaqy jinaqtaryn maqsatty paidalanýǵa ruqsat berilgendigi aitylady.
«Biryńǵai jinaqtaýshy zeinetaqy qory «Zeinetaqy jinaqtarynyń bir bóligin «Otbasy bankindegi» arnaiy shotqa aýdarý týraly» degen mazmunǵa ie jiberilimder jasalmaitynyn resmi túrde málimdeidi. BJZQ sonymen qatar salymshylarǵa (alýshylarǵa) birjolǵy zeinetaqy tólemderin aýdarýǵa qatysty eshqandai habarlama jibermeidi jáne salymshynyń eshqandai derbes derekterin suramaidy», - delingen habarlamada.
BJZQ beitanys saittarǵa kúdikti siltemeler boiynsha ótpeý týraly usynym jasap, qatań eskertedi. Aqparatty tek BJZQ-nyń resmi saitynda jáne ýákiletti operatorlar bolyp esepteletin bankterdiń internet-resýrstarynda tekserý qajet.
