BJZQ-ǵa jańa basshy taǵaiyndaldy, - dep habarlaidy "Ult aqparat".
"BJZQ tóraiymy bolyp biraýyzdan Nurbibi Naýryzbaeva taǵaiyndaldy", - dedi "BJZQ" AQ direktorlar keńesiniń tóraǵasy, QR Ulttyq bank tóraǵasynyń orynbasary Dina Ǵalieva.
Aita keteiik, Nurbibi Naýryzbaeva osyǵan deiin Ulttyq banktiń Ishki aýdit departamentiniń direktory bolyp qyzmet etken.
Nurbibi Naýryzbaeva taǵaiyndalýyna qatysty pikir bildire otyryp, jýrnalisterdi, sarapshylardy, salymshylardyń ókilderin, zeinetkerlerdi jáne salymshylardy shaqyryp, qoǵamdyq keńes quratynyn aitty.
Eske salaiyq, 2016 jyldyń 21 jeltoqsanynan bastap QR Ulttyq bankiniń qatysýymen "Biryńǵai jinaqtaýshy zeinetaqy qory" Aktsionerlik qoǵamynyń qyzmetine tekseris júrgizilgen bolatyn. Sol kezde tekseristiń BJZQ aktsionerlik qoǵamynyń menshikti aktivterdi investitsiialaýǵa qatysty jasalǵan operatsiialary boiynsha júzege asyrylyp jatqany aitylǵan edi. "BJZQ" AQ-tyń menshikti aktivteri onyń kapitaly jáne sharýashylyq qyzmetiniń nátijeleri esebinen qalyptastyrylady eken. "BJZQ" AQ menshikti aktivterdi derbes basqarady", - degen edi banktegiler.
Al 9 qańtarda BJZQ basshylyǵy qamaýǵa alynǵan bolatyn."Olar Jańa jyldyń aldynda qamaýǵa alynǵan. Aty-jónderin bilmeimin, biz olardy atamadyq. Jetekshi men orynbasarlarynyń biri qamaýǵa alynǵan", - degen edi QR Ulttyq bankiniń qarjy qyzmetteri tutynýshylarynyń quqyǵyn qorǵaý departamentiniń direktory Aleksandr Terentev.
Sondai-aq, búgin BJZQ isi boiynsha qamaýǵa alynǵandardyń tizimi jariialanǵan boldy. Keiinirek BJZQ basqarma tóraǵasynyń advokaty istiń mán-jaiyn aityp bergen edi.
.jpeg)