Búgin Úkimet otyrysynda «Astana» halyqaralyq qarjy ortalyǵynyń basshysy, BJZQ direktorlar keńesiniń múshesi Qairat Kelimbetov jinaqtaýshy zeinetaqy qorynyń top-menedjerleri Ázirbaijan halyqaralyq bankine salǵan 250 mln dollardyń elge tolyǵymen qaitarylatynyn aityp, halyqty sabyrǵa shaqyrdy, dep habarlaidy Baq.kz tilshisi.
«Men Úkimettiń sheshimen BJZQ-nyń direktorlar keńesiniń múshesi retinde taǵaiyndaldym. 3 ai ishinde Ázirbaijan halyqaralyq banki QR BJZQ aldynda qaryzyn qalai óteitindigi jóninde máselelerdi qarady. Bul kelissózder atalǵan bankiniń qurylymyn qaita ózgertýmen aiaqtalǵan bolatyn. Onyń aiasynda 250 mln dollar kólemindegi negizgi qaryz qaitarylady. Paiyzdyq ústemesi tómendetildi. Biraq halyqaralyq banktegi baǵaly qaǵazdar Ázirbaijan qarjy ministrliginiń eýro obligatsiialaryna aýystyryldy. Iaǵni ázirbaijandyq tarap 100%-ǵa kepildik beretin qaǵazdardy berdi. Al qaǵazdar 15 jylǵa shyǵaryldy», - dedi basshy.
Osy oraida Qairat Kelimbetov bul qadam bizge 250 mln dollar kólemindegi qaryzdy tolyǵymen qaitarýǵa múmkindik beretinin aitty.
«Bul bizge salǵan investitsiialyq qarjynyń paidaly túrde qaitanyna kepildik beredi. Osy atalǵan protsess 1-qyrkúiekte aiaqtaldy. Meniń oiymsha, tehnikalyq túrde qujattarmen almasý aiaqtaldy. Baǵaly qaǵazdardy baǵalaý, qaryzdy ótegen kezde olardyń qandai túrde bolatyny QR Ulttyq bank pen BJZQ-nyń airyqsha quzyretinde. Qarapaiym tilde aitatyn bolsaq, salynǵan aqsha (Halyqaralyq ázirbaijan bankine – avtor) tolyq kólemde qaitarylady. Sonymen qatar BJZQ-daǵy investitsiialar ulttyq valiýtada denominatsiialanǵan. Al dollarda denominatsiialanǵan investitsiialar atalǵan uiymnyń kiristerin ártaraptandyrýǵa múmkindik beredi», - dedi ol.
Sonymen qatar BJZQ direktorlar keńesiniń múshesi atalǵan qaryzdyń bir bóligi qaitarylǵanyn aityp, jurtty alańdamaýǵa shaqyrdy.
«Meniń oiymsha, baǵaly qaǵazdar 10 jylǵa arnalǵan bolsa, endi olardyń ýaqyty 15 jyl boldy. Olar únemi tabys ákep turady. Sondai-aq qaryzdyń 40 mln dollary obligatsiia túrinde qaitaryldy. Ashyǵyn aitqanda, jaǵdai turaqty. Meniń oiymsha, ýaiymdaýǵa negiz joq», - dep túiindedi sózin Qairat Kelimbetov.
Aita keteiik, osyǵan deiin Qarjy ministri Baqyt Sultanov Úkimet otyrysynda BJZQ-dan alynyp, halyqaralyq Ázirbaijan bankine salynǵan 250 mln dollardyń elimizge qalai qaitarylatynyn túsindirgen bolatyn.
