بٷگٸن ٷكٸمەت وتىرىسىندا «استانا» حالىقارالىق قارجى ورتالىعىنىڭ باسشىسى, بجزق ديرەكتورلار كەڭەسٸنٸڭ مٷشەسٸ قايرات كەلٸمبەتوۆ جيناقتاۋشى زەينەتاقى قورىنىڭ توپ-مەنەدجەرلەرٸ ەزٸربايجان حالىقارالىق بانكٸنە سالعان 250 ملن دوللاردىڭ ەلگە تولىعىمەن قايتارىلاتىنىن ايتىپ, حالىقتى سابىرعا شاقىردى, دەپ حابارلايدى Baq.kz تٸلشٸسٸ.
«مەن ٷكٸمەتتٸڭ شەشٸمەن بجزق-نىڭ ديرەكتورلار كەڭەسٸنٸڭ مٷشەسٸ رەتٸندە تاعايىندالدىم. 3 اي ٸشٸندە ەزٸربايجان حالىقارالىق بانكٸ قر بجزق الدىندا قارىزىن قالاي ٶتەيتٸندٸگٸ جٶنٸندە مەسەلەلەردٸ قارادى. بۇل كەلٸسسٶزدەر اتالعان بانكٸنٸڭ قۇرىلىمىن قايتا ٶزگەرتۋمەن اياقتالعان بولاتىن. ونىڭ اياسىندا 250 ملن دوللار كٶلەمٸندەگٸ نەگٸزگٸ قارىز قايتارىلادى. پايىزدىق ٷستەمەسٸ تٶمەندەتٸلدٸ. بٸراق حالىقارالىق بانكتەگٸ باعالى قاعازدار ەزٸربايجان قارجى مينيسترلٸگٸنٸڭ ەۋرو وبليگاتسييالارىنا اۋىستىرىلدى. ياعني ەزٸربايجاندىق تاراپ 100%-عا كەپٸلدٸك بەرەتٸن قاعازداردى بەردٸ. ال قاعازدار 15 جىلعا شىعارىلدى», - دەدٸ باسشى.
وسى ورايدا قايرات كەلٸمبەتوۆ بۇل قادام بٸزگە 250 ملن دوللار كٶلەمٸندەگٸ قارىزدى تولىعىمەن قايتارۋعا مٷمكٸندٸك بەرەتٸنٸن ايتتى.
«بۇل بٸزگە سالعان ينۆەستيتسييالىق قارجىنىڭ پايدالى تٷردە قايتانىنا كەپٸلدٸك بەرەدٸ. وسى اتالعان پروتسەسس 1-قىركٷيەكتە اياقتالدى. مەنٸڭ ويىمشا, تەحنيكالىق تٷردە قۇجاتتارمەن الماسۋ اياقتالدى. باعالى قاعازداردى باعالاۋ, قارىزدى ٶتەگەن كەزدە ولاردىڭ قانداي تٷردە بولاتىنى قر ۇلتتىق بانك پەن بجزق-نىڭ ايرىقشا قۇزىرەتٸندە. قاراپايىم تٸلدە ايتاتىن بولساق, سالىنعان اقشا (حالىقارالىق ەزٸربايجان بانكٸنە – اۆتور) تولىق كٶلەمدە قايتارىلادى. سونىمەن قاتار بجزق-داعى ينۆەستيتسييالار ۇلتتىق ۆاليۋتادا دەنوميناتسييالانعان. ال دوللاردا دەنوميناتسييالانعان ينۆەستيتسييالار اتالعان ۇيىمنىڭ كٸرٸستەرٸن ەرتاراپتاندىرۋعا مٷمكٸندٸك بەرەدٸ», - دەدٸ ول.
سونىمەن قاتار بجزق ديرەكتورلار كەڭەسٸنٸڭ مٷشەسٸ اتالعان قارىزدىڭ بٸر بٶلٸگٸ قايتارىلعانىن ايتىپ, جۇرتتى الاڭداماۋعا شاقىردى.
«مەنٸڭ ويىمشا, باعالى قاعازدار 10 جىلعا ارنالعان بولسا, ەندٸ ولاردىڭ ۋاقىتى 15 جىل بولدى. ولار ٷنەمٸ تابىس ەكەپ تۇرادى. سونداي-اق قارىزدىڭ 40 ملن دوللارى وبليگاتسييا تٷرٸندە قايتارىلدى. اشىعىن ايتقاندا, جاعداي تۇراقتى. مەنٸڭ ويىمشا, ۋايىمداۋعا نەگٸز جوق», - دەپ تٷيٸندەدٸ سٶزٸن قايرات كەلٸمبەتوۆ.
ايتا كەتەيٸك, وسىعان دەيٸن قارجى مينيسترٸ باقىت سۇلتانوۆ ٷكٸمەت وتىرىسىندا بجزق-دان الىنىپ, حالىقارالىق ەزٸربايجان بانكٸنە سالىنعان 250 ملن دوللاردىڭ ەلٸمٸزگە قالاي قايتارىلاتىنىن تٷسٸندٸرگەن بولاتىن.
