BJZQ basqarma tóraǵasy Rýslan Erdenaev pen onyń orynbasaralarynyń birine birneshe milliard teńge jaratty degen kúdik keldi, - dep habarlaidy KTK telearnasy quqyq qorǵaý organdarynyń derekkózderine silteme jasap.
Telearna málimetinshe, qazir UQK qyzmetkerleri qordyń menedjerleriniń BJZQ qarajatyn qaida jumsaǵandaryn anyqtap jatyr. Aita keteiik, bul tekserister byltyr jeltoqsan aiynda bastalǵan bolatyn.
Ashyq derekkózderge súiensek, Rýslan Erdenaevtyń eki orynbasary bolǵan - Sáýle Dúisenova men Dabyr Medetbekov. Biraq ázirshe qaisysy qamaýǵa alynǵany belgisiz. Derekkóz: KTK.
Aita keteiik, Terentev 6 qańtardaǵy baspasóz máslihatynda BJZQ-ǵa qatysty qylmystyq istiń Ulttyq banktiń ótinishinen keiin qozǵalǵanyn málimdegen.
Eske salaiyq, 2016 jyldyń 21 jeltoqsanynan bastap QR Ulttyq bankiniń qatysýymen "Biryńǵai jinaqtaýshy zeinetaqy qory" Aktsionerlik qoǵamynyń qyzmetine tekseris júrgizilgen bolatyn. Sol kezde tekseristiń BJZQ aktsionerlik qoǵamynyń menshikti aktivterdi investitsiialaýǵa qatysty jasalǵan operatsiialary boiynsha júzege asyrylyp jatqany aitylǵan edi. "BJZQ" AQ-tyń menshikti aktivteri onyń kapitaly jáne sharýashylyq qyzmetiniń nátijeleri esebinen qalyptastyrylady eken. "BJZQ" AQ menshikti aktivterdi derbes basqarady", - degen edi banktegiler.
"Azamattardyń zeinetaqy jinaqtary "BJZQ" AQ-tyń balansynan bólingen jáne bólek eskeriledi. Ulttyq Bank zeinetaqy jinaqtaryn investitsiialaýdy Qazaqstan Respýblikasynyń Ulttyq qoryn basqarý jónindegi keńes maquldaǵan 2016 jylǵa arnalǵan baǵyttar boiynsha ǵana júzege asyrady. Bul rette 2016 jyly zeinetaqy aktivterin ekonomikanyń naqty sektorynyń jeke kompaniialarynyń qarjy quraldaryna investitsiialaý kózdelmeidi" delingen edi UB habarlamasynda.
